Vetmia në ditë festash

Krishtlindja është një kohë për të qenë të gjithë së bashku, apo jo? Një kohë për të qenë më familjen dhe me miqtë. Po sikur të mos jetë kështu? Po sikur festa e Krishtlindjes të të ketë gjetur në dhembje dhe kjo kohë e vitit të sjellë më shumë lëndimin dhe vetminë? Ndoshta shumëkush është duke pyetur veten, se si ka mundësi që një atmosferë kaq e ngrohtë, të sjellë diçka tjetër përveç gëzimit. Mund të ketë njerëz që po kalojnë momente të vështira, e ndonjëherë atmosfera e festave e thekson edhe më shumë vetminë.

Dhembja

Kur ndonjëherë shohim pas dhe kuptojmë se kemi kaluar moment të dhimbshme, është mirë të kuptojmë se dhembjet e Jezusit kanë qenë më të shumta. Nëse Ai mundi ta ecte përmes tyre, nëse Ai mundi të vdesë për ne, edhe pse në vend të Tij duhet të ishim ne, atëherë ne mund t’ia dalim mbanë kësaj. Mund ta kalojmë.

Përlëvdimi

Ti mund të ecësh në jetën tënde edhe në kohë shumë të dhimbshme për ty, duke përlëvduar emrin e Tij. Mund t’ia dalësh edhe pse je në dhembje. Duhet ta bësh këtë për Të, me Të dhe përmes Tij. Kjo është më e mira për ty, kështu njerëzit mund ta shohin Jezusin tek ti, e ti mund ta pasqyrosh atë.

Shërimi

Zoti ka shëruar dhe do të vazhdojë të shërojë dhembjen tënde. Duhet të dish se ndonjëherë dhembja të ndihmon që të shërbesh më mirë njerëzve që ke pranë, sepse mund t’i kuptosh më mirë situatat e tyre.

Perëndia është aty

Zoti e sheh dhe e njeh dhembjen tënde. Ai është aty, ashtu siç ishte kur Biri i Tij kaloi gjithë vuajtjen në kryq. Ai mund ta kishte ndaluar këtë gjë, por e lejoi duke e ditur se çfarë do të sillte e gjithë kjo ngjarje për të gjithë ne.

Ai do të ecë me ty përmes dhembjes tënde

Ndonjëherë Zoti, vendos që të mos ta ndalojë dhembjen, sepse do që ne të ecim përmes saj. Ai dëshiron që kur ne të arrijmë në anën tjetër, të shohim dhe të vlerësojmë plotësinë e planit të Tij për ne.

Lavdia e Tij

Perëndia na ka pajisur me aftësi. Ai na mbron, na udhëheq dhe ne kemi fuqinë që nuk do ta kishim nëse nuk do të kishim ecur përmes këtij zjarri. Perëndia do ta përdorë këtë situatë. Ai ka vendosur tek ne Hirin e Tij dhe do të ndriçojë përmes nesh, për Lavdinë e Tij.

Ti mund t’ia dalësh

Ai është me ty, duke ecur krahë për krahë aty ku tani të duket se je vetëm. Ndaj kur të ndjesh dhembje, veç kujto: Nëse Jezusi ja doli mbanë, edhe ti mundesh.

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0