Në vitin 2018, Nico Battaglia përballet me një luftë të ashpër kundër një tumori që prek gjuhën e tij. Pas një operacioni të rëndësishëm, terapive dhe një procesi të gjatë rehabilitimi, Nico nuk dorëzohet dhe pas rreth një viti e gjysmë fillon të këndojë përsëri. Nga ky udhëtim i veçantë dhe i dhimbshëm lind albumi i tij i fundit, i regjistruar drejtpërdrejt në Puglia më 23 Nëntor 2019.

Në një intervistë ekskluzive për programin Krash në Radio 7, Nico tregon: Dy vitet e fundit nuk kanë qenë të lehtë, por mund të them tani pas dy vitesh se jam mirë. Fiziku im është mirë, zemra ime është mirë dhe shikoj drejt së ardhmes, me besim dhe shpresë. Është e qartë që kur një mjek shikon ekzaminimet dhe të thotë që ke tumor malinj, një karçinom në një stad të avancuar, në ato çaste është e vështirë të përpunosh këtë informacion. Nuk jemi aspak gati që të marrim lajme të tilla. Ndjesia ime e parë ishte frika. Frika për t’u përballur me një patologji të  rëndë. Frika se nuk arrin të shohësh qartë të ardhmen. Por në rastin tim, vuajtja u shtua nga fakti që ky tumor preku një pjesë të rëndësishme të trupit tim, gjuhën time.  Provova të imagjinoj se si do të dukej e ardhmja ime, po të mos kisha më mundësi të këndoja dhe sikur çdo gjë të shkonte mirë. Ndërsa dëgjoja këtë fjalë, ‘tumor’ ndjeja frikën që donte të zinte vend në zemrën time. Por gati në mënyrë të pavullnetshme thërrisja brenda meje një fjalë tjetër, ‘Zot’. Mendoja për Zotin tim ishte një thirrje jo vetëm për ndihmë, por ishte një mënyrë për të thirrur jetën mbi vdekjen”.

Ndërsa e kemi pyetur Nicon se si ka qenë për të të lavdëroj Zotin, atëherë kur nuk mund të fliste ai thotë:

“Periudha e rehabilitimit tim zgjati një vit. Gjatë këtij viti kurimi dhe rehabilitimi, unë kam vazhduar të lavdëroj Zotin. Por ka qenë një lavdërim ndryshe, më pëlqen ta përkufizoj si lavdërim të heshtur.  Një lavdërim që e dëgjonte vetëm Zoti. Një lavdërim privat, një lavdërim që më përkiste vetëm mua dhe Zotit. Por në këtë kohë unë kam hedhur në letër gjithë reflektimet e mia, mendimet dhe emocionet e mia. Kështu lindën këto këngë, që më pas i ndava në këtë album që titullohet ‘Unë këndoj akoma’. Ky album është një thirrje fitoreje, një thirrje shprese, një thirrje besimi. Është rezultati i rrugëtimit që kam kaluar me mundim dhe çaste vuajtjeje, por me mbështetjen e besimit në Zotin Jezus.”

Albumi më i ri i Nico Battaglia përmban trembëdhjetë këngë të pa publikuara më parë, të shkruara nga Nico gjatë periudhës së tij të rehabilitimit. Ndër titujt më të spikatur janë këngë si: Nel Nome di Gesu, C’e un Tempo, Primo Paso, Io Canto ancora dhe të tjera.

Nico e mbylli intervistën me një inkurajim për të gjithë ata që përballen me sëmundje që u kërcënojnë jetën.

“Unë besoj vendosmërisht se përpara se të përjetojmë një mrekulli që i kërkojmë Zotit, duhet të përjetojmë paqen. Të përjetojmë paqen, do të thotë t’i besojmë plotësisht Zotit, të mbështetemi tek ai dhe kur i beson Zotit dhe ajo paqe e mbinatyrshme hyn brenda teje, aty fillon një proces shërimi. Shumë gjëra do të na fshihen, nuk do të mundemi kurrë të kuptojmë gjithçka. Unë akoma nuk kuptoj shumë nga gjërat që kam jetuar, por për mua një gjë është e sigurt, që planet e Zotit janë dhe mbeten të përsosura, ndonëse ndonjëherë janë të pakuptueshme. Prandaj si njerëz të besimit duhet të mësojmë ti besojmë Zotit. Ti besojmë sovranitetit të tij,t’i besojmë faktit se ai nuk na lë dhe nuk na braktis kurrë”, thotë Nico Battaglia.

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI