Gruaja nisi të qajë teksa po thoshte, “ Ajo çfarë kam bërë është kaq e tmerrshme! Unë mund të pranoj që Zoti më ka falur, por unë kurrë nuk mund ta fal veten time.”  Fatkeqësisht , ajo po përgatitej që të jetonte një jetë në dëshpërim.

Si e falim ne vetveten? Epo, së pari duke nisur të shohim faljen e Perëndisë. Kur ne kërkojmë për faljen e Tij, ne mund të mendojmë se Zoti thotë : “ Ajo që bëre ti nuk ishte edhe aq keq- pastaj, përveç kësaj unë të dua shumë; unë nuk do ta llogaris këtë mëkat kundër teje.” Por kjo nuk është e vërteta. Mëkati është i keq dhe falja ishte e kushtueshme. Po, Perëndia na do ne shumë, por u desh vdekja e Jezusit në kryq për të paguar për mëkatet tona, në mënyrë që ne të ishim të falur.

Po ashtu, disa prej nesh mendojnë se nëse ne arrijmë të falim veten tonë, kjo do të thotë se “ ajo çfarë bëra nuk ishte kushedi se çfarë, ndaj nuk kam për t’u ndier më keq për të me veten time.” Por ne e dimë se ishte e keqe ajo çfarë kemi bërë, e ndaj e quajmë të arsyeshme se  e meritojmë të vuajmë.

Miku im, Dr. Richard Smith, i cili  këshillon njerëzit që kanë probleme me faljen, thotë se përgjatë eksperiencës së tij njerëzit që  nuk arrijnë dot të falin veten, nuk e kanë kuptuar me të vërtetë se  Zoti i ka falur ata plotësisht. Perëndia nuk na sheh më si mëkatarë por si shenjtorë, ky është termi  Biblikë për të gjithë besimtarët që janë falur nga Jezusi. E nëse kjo është mënyra me anë të së cilës Perëndia na sheh neve, çfarë të drejte kemi ne që ta shohim veten në një mënyrë tjetër? Në sytë e Zotit ai mëkat nuk ekziston më. Tek  Romakët 4:8 thuhet, “  Lum njeriu të cilit Zoti nuk do t`ia numërojë mëkatin“

A e kupton me të vërtetë këtë? Mëkati që është falur nuk ekziston më. Është nxjerrë jashtë- ka ikur! Ti je duke humbur kohën tënde duke dënuar veten tënde për atë. Më shumë se kaq,  nuk je duke nderuar Perëndinë, që pagoi çmimin për faljen tënde. Është koha që ta lësh të shkojë. Koha që ta harrosh se çfarë ishte pas, ashtu siç Pali ka thënë, e të kërkosh për atë që shtrihet përpara

( Filipianët 3:13). Ndoshta ti dëshiron që ta rregullosh këtë gjë me Zotin pikërisht tani.