Lajmi Fundit
prev next

Gjithë bota është duke kaluar një situatë të pazakontë si pasojë e virusit Covid-19. Pandemia ka shkaktuar në rradhët e njerëzve pasiguri dhe frikë për të ardhmen. Por a është normale që ne si besimtarë të ndjejmë frikë në një situatë të tillë dhe si ta shmangim atë?

Për të diskutuar për këtë çështje, në një lidhje telefonike për programin “Zgjohu Pozitiv” në Radio 7 ishte pastor Tomor Ajeti. Ai u shpreh se është normale është që njerëzit të ndjejnë frikë, por për një besimtar nuk është normale të jetojë me frikë. Sipas tij është ndryshe të kesh frikë dhe ndryshe të jetosh me frikë.

Më tej, pastori Ajeti këshillon që kushdo që ndeshet me frikën të afrohet më shumë me Perëndinë dhe fjalën e tij dhe të gjejë ngushëllim tek premtimet e Perëndisë. Bibla është plot me premtime të mrekullueshme që na sigurojnë që Perëndia është me ne dhe nuk duhet të kemi frikë.

“Unë e shikoj në fjalën e Zotit që kur besimtarët kanë pasur frikë, e vetmja gjë që i ka ngushëlluar ka qenë prania e vetë Perëndisë dhe fjala e Perëndisë sepse ajo gjithmonë na siguron ne për praninë e tij, na siguron ne për mbrojtjen e Perëndisë dhe që Perëndia është me ne. Prandaj iu këshilloj që kushdo që ndeshet me frikën, jo vetëm për Covid sepse njerëzit mund të kenë frikë edhe për të ardhmen e tyre, mund të kenë frikë se mund të humbasin punën, ka lloj frikërash në botë, por unë do të këshilloja që ata njerëz t’i afrohen Perëndisë më shumë, t’i afrohen fjalës së Perëndisë dhe të gjejnë ngushëllimin tek premtimet e Zotit. Bibla është plot me premtime të mrekullueshme që na sigurojnë që Perëndia është me ne. Perëndia nuk na lë asnjëherë vetëm. Besimtari duhet të gjejë ngushëllimin  në premtimet e Zotit dhe jo tek gjërat fizike që e rrethojnë. Besimi dhe siguria jonë duhet të jenë vetëm tek Perëndia dhe fjala e tij”.

Pernëdia nuk na lë në vështirësi, ai është dashuri dhe ne duhet të besojmë se në çfarëdo situatë sado e vështirë të jetë ajo, Jezusi është aty.

“Ne duhet të themi me plot besim se Perëndia është ndihmuesi ynë dhe ne nuk duhet të kemi frikë, nëse Perëndia është me ne, kush mund të jetë kundra nesh ose çfarë mund të ngrihet kundra nesh. Ne duhet të besojmë se në çfarëdo situatë, sado e vështirë të jetë ajo, Jezusi është aty. Perëndia nuk i lë fëmijët e tij, nuk i braktis. Ai nuk na lë ne në vështirësi, kjo nuk është natyra e Perëndisë, natyra e Përëndisë është dashuria dhe dashuria nuk bën një gjë të tillë. Dashuria nuk të lë në baltë, nuk kënaqet me vështirësitë që ti po kalon, por ajo përpiqet të të ndihmojë, të të inkurajojë, forcojë dhe të të nxjerrë nga balta, këtë bën Perëndia jonë”.

Abuzimet seksuale, psikologia: Të zgjedhim gjuhën e dashurisë
Vendos të ngrihesh

Comments.

Currently there are no comments related to this article. You have a special honor to be the first commenter. Thanks!

Leave a Reply.

* Your email address will not be published.
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

X