Abuzimet seksuale, psikologia: Të zgjedhim gjuhën e dashurisë

Rastet e abuzimeve seksuale janë kthyer në një fenomen mjaft shqetësues për shoqërinë shqiptare. Fatkeqësisht, në muajt e fundit ngjarje të tilla tepër të rënda kanë ardhur në rritje, ku shpeshherë dhuna dhe abuzimet seksuale lënë pasoja fizike dhe psikolgjike tek të abuzuarit. Viktima dhe pre të abuzimeve shpesh herë kanë qenë të miturit, apo edhe persona me aftësi të kufizuara e probleme të shëndetit mendor.
Për të diskutuar për këtë temë në një lidhje telefonike për programin “Zgjohu Pozitiv” në Radio 7 ishte psikologia Mirela Gjoni.
Ajo u shpreh se ky është një fenomen që ka ekzistuar më herët, por më përpara nuk bëhej publike dhe mbahej vetëm brenda dyerve të familjes. Kurse sot ka një tendencë në rritje të individëve që thyejnë tabunë e mentalitetit dhe vendosin të denoncojnë rastet e abuzimit.
Psikologia shprehet se kategoria më e riskuar ka qenë dhe vazhdon të jetë ajo e fëmijëve dhe të rinjve.
“Fëmijët dhe të rinjtë janë në një moshë zhvillimi, në një moshë më të brishtë, kanë instrumenta me pak se të rriturit për të menaxhuar një marrëdhenie dhe prandaj bien shpesh pre e këtyre abuzimeve nga personat e tjerë”.
Roli i familjes, shoqërise dhe psikologut është shumë i rëndësishëm në këtë fenomen.
Më tej, Gjoni shprehet se çdo marrëdhënie e dhunshme lë pasoja tek çdo individ dhe sidomos tek fëmijët. Prandaj është e rëndësishme që ne si shoqëri të zhvillojmë gjuhën e dashurisë dhe respektit reciprok dhe vetëm në këtë mënyrë këto fenomene do minimizohen.
“Çdo marrëdhënie e dhunshme duhet të dinë që lë pasoja tek çdo person dhe aq më shumë tek fëmijët. Ne duhet të zgjedhim gjuhën e dashurisë dhe respektit dhe atë që ne do të mbjellim si shoqëri do të korrim sot, nesër dhe gjithmonë. Prandaj do t’iu lutesha ta lëmë gjuhën e urrejtjes dhe përçarjes, por le të zhvillojmë tek fëmijët tanë, me të afërmit tanë, në komunitetin tonë dhe më gjerë, një gjuhë të re, gjuhën e dashurisë dhe respektit reciprok dhe do shohim që pastaj dhe këto fenomene do ulen dhe minimizohen”.

[su_youtube_advanced url=”https://www.youtube.com/watch?v=GvZo8wQfI-A”]

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0