Lajmi Fundit
prev next

A e ke gjetur veten duke lëvizur pa drejtim në jetë? E di që jetës tënde i mungon drejtimi, por nuk di ç’të bësh? Shqyrto arsyen “Përse.” Një anije e pa ankoruar e cila ndodhet në mes të stuhisë, shkon ngado që ta çojnë dallgët. Edhe në mot të mirë, anija do të shtyhet pa një drejtim nga forca e ujit, nëse nuk ka një kapiten që ta drejtojë. Ashtu siç anija ka nevojë për një spirancë për të mos e lejuar që forca e ujit ta shtyjë drejt përplasjes me anijet e tjera, po ashtu neve na duhet një spirancë për të na mbrojtur nga lëvizjet e pavullnetshme drejt marrëdhënieve shkatërrimtare. Përderisa shumë njerëz, jo vetëm që janë pa spirancë por edhe pa një drejtim në jetë . . . ata kanë nevojë për një kapiten që t’u ofrojë drejtim, si dhe për një spirancë që t’u ofrojë siguri. Të krishterët kanë tek Krishti si një spirancë ashtu edhe një kapiten. Bibla thotë:

“Prandaj ne duhet t`u përmbahemi më shumë atyre që dëgjuam, se mos shkasim ndonjë herë nga rruga.”
(Hebrenjve 2:1)

  1. Erërat e frikës

Si i mbijeton stuhive të jetës të cilat kërcënojnë rëndë ankorimet e tua? Çfarë është gjëja që ta mban kokën mbi ujë, kur zemra po të mbytet? Mënyra se si lundron në netët e errëta të shpirtit tënd, thotë shumë më tepër për besimin tënd tek Perëndia, sesa mënyra se si përballesh me ditët me mot të mirë.

Këndvështrimi ynë:

“Unë e di që Perëndia mund të bëjë gjithçka; megjithëkëtë, jam vërtetë i frikësuar se nëse do të humbisja diçka që është e shtrenjtë për mua (si për shembull puna ose shëndeti im), nuk do mbetet ndokush që të kujdeset për mua.”

Pikëpamja e kapitenit:

“Zoti vetë ecën para teje; ai do të jetë me ty; nuk do të të lërë dhe s`ka për të të braktisur; mos u tremb dhe mos u tmerro.” (Ligji i Përtërirë 31:8)

  1. Dallgët e izolimit

Këndvështrimi ynë:

“Ndjehem shumë i vetmuar dhe i izoluar. Ndjehem i shkëputur nga të gjithë . . . madje edhe nga Perëndia.”

Pikëpamja e kapitenit:

“Kur do të kalosh përmes ujërave unë do të jem me ty, ose do të kalosh lumenjtë, nuk do të të mbytin; kur do të ecësh nëpër zjarr, nuk do të digjesh dhe flaka nuk do të të konsumojë.” (Isaia 43:2)

  1. Erërat e mosbesimit

Pikëpamja jonë:

“Si mund të besoj tek Krishti, kur nuk e shikoj Atë të bëjë ndonjë gjë në jetën time?”

Pikëpamja e kapitenit:

“Besnik është ai që ju thërret, i cili edhe do ta bëjë.” (1 Selanikasve 5:24)

  1. Dallgët e përndjekjes

Pikëpamja jonë:

“Ka shumë të krishterë të cilët janë të përndjekur në botë. Nuk e kuptoj se si Perëndia mund të lejojë që të krishterët të vriten.”

Pikëpamja e kapitenit:

“Jezusi tha . . . ‘Unë jam ringjallja dhe jeta; ai që beson në mua, edhe sikur të duhej të vdesë do të jetojë.’” (Gjoni 11:25)

  1. Erërat e zhgënjimit

Pikëpamja jonë:

“E dija që Perëndia do të jepte shërim fizik, por Ai nuk e bëri. Më duket sikur Perëndia më gënjeu.”

Pikëpamja e kapitenit:

“Kush e njohu mendjen e Zotit? Ose kush u bë këshilltar i tij? . . . Perëndia nuk është një njeri, që mund të gënjejë, as edhe bir njeriu që mund të pendohet. Kur ka thënë një gjë, nuk do ta bëjë? Ose kur ka shpallur një gjë, nuk do ta kryejë?” (Romakëve 11:34; Numrat 23:19)

  1. Dallgët e tundimit

Pikëpamja jonë:

“Nuk ka rëndësi se sa shumë përpiqem, nuk jam në gjendje që të arrij fitore mbi këtë tundim. Nuk e kuptoj përse Perëndia nuk më ndihmon.”

Pikëpamja e kapitenit:

“Asnjë tundim nuk ju ka gjetur juve, përveç se tundimi njerëzor; por Perëndia është besnik dhe nuk do të lejojë që t`ju tundojnë përtej fuqive tuaja, por me tundimin do t`ju japë dhe rrugë dalje, që ju të mund ta përballoni.” (1 Korintasve 10:13)

nga June Hunt

Shërimi i dhimbjes nga një marrëdhënie jashtëmartesore  
Abuzimi me fjalë dhe ai emocional

Comments.

Currently there are no comments related to this article. You have a special honor to be the first commenter. Thanks!

Leave a Reply.

* Your email address will not be published.
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

X