Si të krishterë, ka ditë kur nuk ndiejmë se jemi veçanërisht të bekuar. Por ne jemi – dhe më shumë nga sa mund ta imagjinojmë! Në Ungjillin e Gjonit, ne lexojmë, “Nga plotësia e tij të gjithë kemi marrë hir mbi hir (1:16). Sidoqoftë, duket se e  kemi shumë më të lehtë të numërojmë problemet sesa bekimet tona.

Ndoshta mund të mësojmë për t’u përqendruar në bekimet tona nga Pjetri. Tek 1 Pjetri, ai shkruan:

Falënderimi i qoftë Zotit dhe Atit të Zotit tonë Jezu Krisht! Me mëshirën e tij të madhe, ai na ka dhënë një lindje të re në një shpresë të gjallë përmes ringjalljes së Jezu Krishtit nga të vdekurit dhe në një trashëgimi që nuk mund të zhduket, prishet ose zbehet kurrë. . . . Në të gjitha këto ju gëzoheni shumë, megjithëse tani për pak kohë mund t’ju duhet të pësoni pikëllim në të gjitha llojet e sprovave. (1 Pjetrit 1: 3-4, 6)

Kudo që të jeni dhe me çfarëdo që jeni duke u përballuar mund të gëzoheni për shkak të bekimeve tuaja dhe të jeni një bekim për të tjerët.  Zoti ju ka vendosur në situatën tuaj dhe në jetën e të tjerëve, në mënyrë që të jeni një bekim.

Pra, në vend që të përpiqesh të heqësh dorë nga situata jote, pyete, “Zot, si mund të jem një bekim në situatën time? Si mund të jem një bekim në vendin tim të punës? Si mund të jem një bekim për fqinjët e mi? Si mund të jem një bekim për bashkëshortin dhe familjen time? ”

Nëse me të vërtetë po numërojmë bekimet tona, atëherë do të jemi shpirtërisht të gatshëm. Ne do të jetojmë jetë të shenjta dhe do t’i bindemi Zotit.