Njerëzit janë krijuar në një mënyrë të tillë që të jenë mirënjohës. Menjëherë ndihemi të vlerësuar, sa herë që ndonjë nga nipërit apo mbesat na përqafon fort, kur ndonjë i panjohur na komplimenton, ose kur na bëjnë ndonjë dhuratë plot me dashuri. Po sigurisht që ka kohë kur mirënjohja është më e vështirë për t’u shprehur. Por Fjala e Zotit na udhëzon: “ Për çdo gjë falënderoni sepse i tillë është vullneti i Perëndisë në Krishtin Jezus për ju.” – 1 e Thesalonikasve 4:18
Kohët e veshtira na nxisin të vlerësojmë thellësinë e mirënjohjes. Nuk kemi pse ta falenderojmë Zotin për gjërat e vështira që na kanë ndodhur por duhet të jemi mirënjohës për mbrojtjen e Tij. Nuk ka kohë më të mirë se sa Koha e Falenderimeve për të reflektuar mbi mirësinë e Zotit, të kemi një marrëdhënie sa më intime me Të dhe të vlerësojmë Zotin e Plotfuqishëm për çdo bekim që na ka dhënë.
4 mënyra për të qënë Falenderues në çdo situate:
- Përforconi ndjenjën e reflektimit
- Përforconi marrëdhëniet
- Përforconi kujtimet
- Përforconi zakonin e të reaguarit
Ndjenja e reflektimit
Kur është festuar për herë të parë Dita e Falenderimeve? Amerikanët do të thoshin në vitin 1621, dhe është pothuajse e saktë. Sepse ai ishte viti i parë që pelegrinët festuan por koncepti i shprehjes së falenderimeve është më i vjetër. Populli i Zotit e ka shprehur mirënjohjen e Tij që në Festën e Tabernakullit e cila lindi në kohën e Moisiut.
Çarë është festa e Tabernakullit?
Festa e Tabernakullit,festohej pas 7 javësh, pas fillimit të të korrave. Festa e Tabernakullit , njihet edhe si Festa e Kasolleve,sepse izraelitët duhet të qëndronin në kasolle për 7 ditë. ( Numrtat 29:12-40, Ligji I Përtërirë 16:13-17). Kasollet e bëra nga degë peme dhe gjethe shërbenin për t’u kujtuar popullit, sigurimin dhe kujdesin e Perëndisë kur ishin në shkretëtirë.
Perëndia e urdhëroi këtë javë qëndrimi në kasolle, gjatë kohës që izraelitët ecnin përmes shkretëtirës për të shkuar në Tokën e Premtuar. Ishte një ndër ritualet që Perëndia u krijoi për t’i afruar ata sa më afër vetes dhe t’u mësonte atyre se çfarë do të thoshte të jetojë në prezencën e Zotit. Kjo vlen edhe për ne sot. Kemi nevojë të qëndrojmë sa më afër Zotit për të jetuar në prezencën e Tij. Është diçka për të cilën duhet ta praktikojmë çdo ditë, por java e Falenderimeve është një mundësi e veçantë.
Përforconi marrëdhëniet.
Një ndër bekimet më të mëdha të Falenderimeve është mundësia për të kaluar më shumë kohë me të tjerët. Kur Perëndia urdhëroi të festohej Festa e Javëve dhe Festa e Tabernakullit , qëllimi i Tij ishte që të ishte një kohë bashkësie. Ligji i Përtërirë 16:14 thotë: “dhe do të gëzohesh në festën tënde, ti, biri yt dhe bija jote, shërbëtori yt dhe shërbëtorja jote, dhe Leviti, i huaji, jetimi dhe e veja që ndodhen brenda portave të tua.”
Çfarë është Festa e Javëve?
Festa e Javëve, festimi i të korrave, ( Eksodi 34:22, Numrat 28:26-31, Ligji i Përtërirë 16:9-10 ) ishte një ndër tre Festivalet që hebrenjtë kanë festuar dhe festojnë në Jeruzalem.
Bibla është manuali më i mirë për të ndërtuar marrëdhëniet personale. Izraelitët jo vetëm që u udhëzuan të festonin bashkë me familjet e tyre, por supozohej që të ftonin këdo që ishte i vetëm. Si në Dhiatën e Vjetër ashtu dhe në Dhiatën e Re, Perëndia i vlerëson shumë marrëdhëniet familjare dhe shoqërore. Në letrat e apostullit Pal, gjejmë një përkushtim të thellë ndaj marrëdhënieve. Ndërsa u shkruante Kishave, Pali ndërthuri, përshëndetjen, prezantimin, lavdërimet dhe fjalët paralajmëruese ndaj njerëzve të ndryshëm. Pali ishte një ndër njerëzit më të zënë dhe dinamik në tokë, por ai gjeti kohën për njerëzit – ashtu si Zoti na udhëzon.
Ndërsa festojmë Ditën e Falenderimeve, le të gjejmë kohë për njerëzit që Zoti i ka sjellë në jetën tonë.