Zoti është më i madh se çdo problem me të cilin përballeni sot.
Asnjëherë mos e merrni si të mirëqenë madhështinë e Perëndisë, pasi Zoti është një burim ngushëllimi për të gjithë ata që strehohen tek Ai. Zoti është përtej nesh në çdo gjë, megjithatë Ai thotë: “Unë banoj në vendin e lartë dhe të shenjtë dhe bashkë me atë që është i penduar dhe i përulur nga fryma.” (Isaia 57:15). Nëse je i krishterë, Ai është streha, mbështetësi dhe mbrojtësi yt.
Ngushëllimi dhe forca për jetën vijnë ndërsa qëndroni në atributet mahnitëse të Perëndisë.
Ai është i kudondodhur (Psalmi 139:7-12). Edhe kur ndiheni të izoluar ose pa miq, nuk jeni vetëm. Në fakt, pasi keni besuar tek Jezusi, nuk keni qenë kurrë larg Perëndisë qoftë edhe për një moment të vetëm.
Kuptimi i Perëndisë është i pafund (Psalmi 147:5). Ai di gjithçka, duke përfshirë ndjenjat dhe nevojat tuaja. Ju mund të mos e kuptoni se çfarë po ndodh në jetën tuaj, por Zoti e di dhe do të japë forcën dhe drejtimin që ju nevojitet.
Zoti nuk ndryshon kurrë (Malakia 3:6). Meqenëse karakteri i Tij është konstant, ju gjithmonë mund të besoni se Ai do të jetë besnik, i dhembshur dhe i mëshirshëm me ju në çdo situatë.
Kur kujtojmë madhështinë e Perëndisë dhe meditojmë për cilësitë e Tij, problemet tona zvogëlohen, ndërsa Zoti zmadhohet dhe gjejmë prehje në ngushëllimin e Tij.