Partia Komuniste Kineze, po rishkruan Biblën me rishikime që përpiqen ta portretizojnë Jezusin, në një këndvështrim tjetër. Tina Ramirez, është themeluesja dhe presidentja e Hardwired – një grup që ka qenë një kritik i zëshëm i Partisë Komuniste Kineze dhe persekutimit të grupeve fetare dhe pakicave politike. “Pse Partia Komuniste Kineze do të rishkruante Biblën nëse ata as nuk besojnë në Zot”, pyeti ajo. “Ata duan që njerëzit t’i heqin sytë nga një Zot dhe t’i vënë në një person të mirë dhe të krishterët të mohojnë besimin e tyre, si rezultat i kësaj, dhe ta zëvendësojnë atë me partinë komuniste si hyjninë përfundimtare.”

Siç ka raportuar Faithwire e CBN, regjimi qeverisës i Kinës, njoftoi që në vitin, 2019 planet e tij për të nxjerrë një përkthim të ri të Biblës, që do të përfshijë parimet konfuciane dhe budiste.

Ramirez kritikoi qeverinë kineze duke deklaruar se është një përpjekje për t’i bërë të krishterët të largohen nga besimi i tyre.”Kina e ka çuar atë në një nivel të ri duke u përpjekur të rishkruajë shkrimin e shenjtë,” tha Ramirez qartë. “Mendoj se ata nuk janë më të kënaqur me kampet e tyre të riedukimit, të cilat në mënyrë të qartë nuk po bëjnë punën e tyre për t’i detyruar njerëzit të besojnë në ideologjinë ateiste komuniste. Të krishterët e shohin si një simbol nderi të kalojnë nëpër këto kampe ose të torturohen dhe ky është testi i asaj se çfarë do të thotë të jesh i krishterë,  në Kinë.”Ajo shtoi, “Ata me të vërtetë po përpiqen t’u lajnë trurin fëmijëve në moshë të re për atë, që thotë Bibla dhe t’i ngatërrojnë ata për t’i parandaluar ata të jenë të krishterë, por mendoj se ne të gjithë e dimë si të krishterë se fjala e Perëndisë,  është më shumë se një libër. Është një jetë…është vetë Jezus Krishti. Ata mund të përpiqen sa tëduan, por nuk mendoj se do të ketë sukses. Në fund, besoj, e vërteta do të dalë në shesh.”