Lexo:Psalmi 19:12-14; 51:10

Pas darkës babai mori Biblën e tij. “Çfarë kënge doni të këndojmë para se të lexoj?” pyeti ai, duke kërkuar pasazhin që kishte zgjedhur.

Aroni u përgjigj me nxitim. “Të këndojmë këngën ‘Çfarë Zoti të lavdishëm i shërbejmë,’” sugjeroi ai. “Këtë e kemi kënduar në shkollën e së dielës.” Ai pa vëllanë e tij të vogël, i cili po hante puding me çokollatë. “Bën mirë ta lësh lugën tani, Tori,” shtoi Aroni. “Nuk mund të këndosh duke ngrënë.” Tori e la lugën në tavolinë, por kur të tjerët filluan të këndonin, ai nuk këndoi.

Në fund të këngës babai pa djalin e tij të vogël. “Zakonisht ty të pëlqen të këndosh, Tori, por sonte nuk këndove,” tha babai.

Tori tundi kokën. “Nuk mund të këndoja me buzët e papastra,” tha ai qetësisht. Babai buzëqeshi, ndërkohë, mori një pecetë dhe filloi të fshinte pudingun në fytyrën e djalit. “Mendoj se sapo na dhe një mësim,” tha babai. “Buzët e tua ishin me puding, Tori, dhe ti doje të ishe i pastër para se të këndoje. Ndonjëherë goja jonë mund të ndotet nga diçka edhe më e keqe. E di ndonjë se çfarë mund të jetë?”

“Epo… një nga djemtë e skuadrës së bejsbollit tha një mal me fjalë të këqija kur nuk e goditi topin,” tha Aroni. “Dëgjova disa nga vajzat që thanë se ai ka një gojë të papastër. Për këtë po flet?”

“Po, pikërisht për atë,” u përgjigj babai.

Nëna pohoi me kokë. “Shpesh është goja ajo që na fut në telashe,” tha ajo qetësisht. “Duket e lehtë të thuash gjëra që e lëndojnë dikë, dhe gjithashtu, të gjithë ne priremi të mburremi herë pas herë. As kjo nuk është gjë e mirë. Të gjithë ne duhet të sigurohemi që buzët dhe zemra jonë të jenë të pastra kur lutemi dhe adhurojmë Perëndinë.”

“Domethënë…” Aroni filloi të fliste i menduar. Ai heshti dhe më pas bëri përmbledhjen e mësimit që sapo kishin diskutuar. “Mendoi,” tha ai duke i buzëqeshur Torit, “se nuk do të ishte problem nëse do të këndoje me puding në buzë, për sa kohë që zemra jote është e pastër!”

“Kjo është diçka e rëndësishme,” pranoi babai. “Para se të lutemi dhe ta adhurojmë Perëndinë që është i shenjtë, le t’i kërkojmë Atij të na pastrojë nga çdo mëkat që kemi bërë.” “Mirë. Tani buzët e mia janë të pastra, kështu që a mund ta këndojmë sërish këngën tonë?” pyeti Tori. “Sigurisht,” tha babai. “Fillimisht le të lutemi dhe më pas të këndojmë me buzë dhe zemër të pastër.”

A lutesh dhe adhuron gjithmonë me një buzë të pastra? Sigurohu që fillimisht të kërkosh falje sa herë që zemra jote ndotet nga fjalët e gabuara. Mos i lejo mëkatet e zemërimit, kritikës, thashethemit ose mburrjes të ndotin buzët e tua. Rrëfeja Zotit mëkatin dhe me ndihmën e Tij, mos e përsërit më. Më pas mund të lutesh dhe t’i këndosh lavde Atij me një gojë të pastër

Kujdes me fjalët që thua!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}

Free!

REGJISTROHUNI