A jeni ankuar ndonjëherë për ndonjë punë “të thjeshtë”? Ndoshta jeni ndjerë se ishte një punë e pavlerë dhe poshtë aftësive tuaja. Ose ndoshta keni pritur për një punë me më shumë përgjegjësi dhe autoritet. Por Bibla na tregon për rëndësinë e të qenit besnikë në gjërat e vogla.
Pasi Izraelitët pushtuan tokën, ata kishin nevojë që ta ndanin midis fiseve. Tek Jozueu 13-17, ne mund të marrim një mësim shumë të çmuar për mënyrën sesi Zoti shënjoi territoret e tij dhe mundësitë. Zoti na jep ne territor në varësi të masës së besimit që ne kemi. Kur ne marrim një territor- pavarësisht nëse ky është vendi ynë i punës, komuniteti apo klasa- Zoti do që ne ta fitojmë këtë territor për Të.
Zoti u shpërndau Tokën e Premtuar, duke u bazuar në besnikërinë ndaj Tij, jo në të drejtën e të parëlindurve. Duke qenë se ne kuptojmë pjesërisht, ne mund të mendojmë se Zoti është treguar i pandershëm ose i padrejtë. E sërish Zoti sheh gjithçka nga fillimi deri në fund, shumë larg prej asaj që ne mund të kuptojmë. Ai i njeh sekretet dhe motivon çdo zemër edhe kur ne nuk e bëjmë këtë. Zoti e di se si ne i menaxhojmë detyrat e vogla që kemi, bekimet e vogla, mundësitë e vogla. Dhe territori ynë i së ardhmes varet nga mënyra sesi ne menaxhojmë këto gjëra të vogla.
Lutje: Zot, më ndihmo që të jem besnik edhe në gjërat e vogla. Më ndihmo që të sjell ty përlëvdim në cilindo vend që Ti më ke vendosur që unë të punoj dhe të jetoj. Unë lutem në emër të Jezusit. Amen.
Dhe zoti i tij i tha: “Të lumtë, shërbëtor i mirë dhe besnik; ti u tregove besnik në gjëra të vogla; unë do të të vë mbi shumë gjëra; hyr në gëzimin e Zotit tënd” ( Mateu 25:23)