Dita e punëtorëve

“Ka krizë dhe nuk ka punë”, tashmë nuk kalon ditë pa e dëgjuar të paktën një herë të vetme këtë “parullë” nëpër media apo biseda te ndryshme. Në kohë të tilla kaq të errëta, e vetmja zgjidhje duket se është sajimi i mënyrave të reja të punësimit, në mënyrë që fundi i muajit të na gjejë të qetë. Janë disa punë të cuditshme që bëhen në disa vënde të ndryshme të cilat ne i kemi përzgjedhur për ti ndarë sot bashkë me ju:

Pjesëmarrës profesionist në funerale

Në Tajvan është një profesion i popullarizuar. Ky ekspert paguhet për t’u shtirur për dhimbjen që ndien ndaj personit që ka vdekur. Atij i duhet të qajë, të vajtojë, të këndojë këngë morti dhe të lutet në publik gjatë ceremonisë. Këtë “shërbim” e blejnë vetëm familjet e pasura, ndërsa paga që ky profesionist merr është shumë e lartë

Kontrollori i cilësisë së patatinave

Kjo është puna e duhur për ata qe I pelqejne shume patatinat! Kjo lloj pune konsiston në faktin e të provuarit apo të ngrënies së patatinave, për të dalluar nëse ato janë të mira ose shumë të pjekura. Në Amerikë, paga vjetore e këtyre të punësuarve është 35 mijë dollarë në vit.

Gjumashi profesionist

Nëse do t’ju jepej mundësia, a do të mund të punonit duke ndenjur në shtrat gjithë ditën? Atëherë kandidoni për këtë profesion: nuk dihet të bëni gjë tjetër veçse të flini, ndërsa në trup do të keni të vendosura disa kabllo dhe ndijues, më pas mjekët dhe studiuesit e gjumit do të bëjnë punën e tyre.

Roja i arrave të kokosit

Është puna më perfekte për të gjithë ata që dëshirojnë të qëndrojnë gjatë gjithë vitit me pushime në një vend parajsë. Ky punonjës ka për detyrë që të heqë nga palmat e resorteve të Karaibeve arrat e kokosit, të cilat janë shumë të mëdha, sepse rënia e tyre është një rrezik i vërtetë për klientët.

Organizatori profesionist

A keni një talent të veçantë në përgatitjen e valixheve? Atëherë në Shtetet e Bashkuara të Amerikës ju mund të keni një sukses të garantuar si organizues profesionalë, për të sistemuar valixhet e fëmijëve që nisen për në kampet verore, ose për të mbajtur në rregull dhomën e gjumit. Paga përllogaritet 250 dollarë në orë: jo keq, apo jo!

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0