Si ishte dita jote? Ka qenë e vështirë? Je ndjerë i shkurajuar?

Shumë prej njerëzve që gjenden në Bibël, kanë pasur ditë të tilla.  Ata madje kanë menduar të dorëzohen.  Një ndër frazat që hasim më shpesh në Dhiatën e Vjetër është, “ Mos u tremb;mos u dekurajo.” Perëndia e dinte se kishim nevojë ta dëgjonim këtë shumë herë.

Kam gjetur 9 shembuj në Dhiatën e Vjetër, ku janë përdorur këto fraza.

Moisiu ia tha këto fjalë popullit të Izraelit. Ai ju drejtua veçanërisht Jozueut,  kur duhet të hynin në Tokën e Premtuar.  ( Ligji i Përtërirë 1:21;31:7,8);

Dy herë Perëndia ja tha Jozueut. Kur ai mori drejtimin nga Moisiu, e përpara luftës  në Aji. ( Jozueu 1:9, 8:1);

Jozueu ua tha këto fjalë njerëzve të Izraelit, kur u përballën me ushtrinë e Gabaonit. ( Jozueu 10:25) ;

Davidi i la Solomonit, detyrën për të ndërtuar tempullin. Ai  i tha të mos kishte frikë e të mos dekurajohej. ( 1 e Kron. 22:13)

Jahazieli ja tha këto fjalë dy herë  Mbretit Jozafat, kur po përballeshin me pushtues të huaj ( 2 e Kron. 20:15,17) ;

Mbreti Ezekia u foli njerëzve të Judës, kur Asiria kërcënonte se do të sulmonte (2 e Kron. 32:7).

Sa të rëndësishme ishin këto fjalë inkurajimi! Disa prej këtyre burrave u përballën me përgjegjësitë që ka një drejtues. Disa kishin rënë dakord të bënin gjëra që shkonin përtej aftësive të tyre.  Disa shkonin në luftë, duke marrë parasysh vdekjen.

Perëndia i udhëzonte që të mos kishin frikë e të mos dekurajoheshin. Ai  kishte thënë  “Përveç kësaj Zoti vetë ecën para teje; ai do të jetë me ty; nuk do të të lërë dhe s`ka për të të braktisur” ( Ligji i Përt. 31:8). “ Zoti, Perëndia yt, është me ty kudo që të shkosh” ( Jozueu 1:9). “ sepse beteja nuk është juaja, por e Perëndisë.” ( 2 e Kron. 20:17)

Mik, vendosi këto fjalë në zemrën tënde. Mos u dekurajo, sepse Perëndia është me ty.  Mos ki frikë. Shiko se si Perëndia do të bëj që të kalosh gjithçka.