Kjo ditë është një mundësi për të rritur ndërgjegjësimin e luftës kundër kancerit, si dhe për të treguar se zgjidhjet nuk janë të pamundura; ato ekzistojnë gjatë gjithë periudhës së kancerit dhe janë brenda mundësive tona.
Kanceri mund të prekë çdo njeri në mënyra të ndryshme, por secili ka fuqi të veprojë dhe të marrë masa në uljen e ndikimit të sëmundjes tek individët, familjet dhe komunitetet. Dita Botërore e Luftës Kundër Kancerit është një mundësi për të reflektuar mbi atë çka mund të bëni.
Çdo vit në 4 shkurt, kjo ditë fuqizon komunitetet dhe individët në mbarë botën për të treguar mbështetje, për të ngritur zërin kolektiv, për të ndërmarrë veprime personale dhe për të rritur sensibilizimin edhe më shumë në luftën kundër kancerit.
Sot, 9.6 milionë njerëz vdesin çdo ditë nga kanceri, duke e bërë atë shkakun e dytë të vdekshmërisë në mbarë botën. 1/3 e kancerit mund të parandalohet; kjo na jep të gjithëve arsye për të vepruar.
Në këtë ditë le të çojmë para Zotit në lutje të gjithë ata persona që janë prekur nga kanceri dhe le të shpallim shërim sepse Zoti vetëm mund të shërojë dhe restaurojë plotësisht një trup të sëmurë. Ai ka fuqinë për të mposhtur sëmundjet dhe për të sjellë jetë, aty ku ka vuajtje dhe dhimbje. Le të lutemi që Zoti të marrë kontroll dhe të thajë me rrënjë këtë sëmundje që sjell dhimbje, lot, vuajtje dhe merr jetë. Besoni se Zoti mundet dhe do sjellë shërim për atë që e kërkon me gjithë zemër.