Megjithatë i drejti mbetet i lidhur fort me rrugën e tij, dhe ai që i ka duart e pastra fortësohet gjithnjë e më tepër.-Jobi 17:9
Ishujt Havai janë një parajsë tropikale që ndodhen në mes të Oqeanit Paqësor, 2500 milje larg nga toka më e afërt. Ujërat që rrethojnë ishujt kanë nuanca të ndryshme blu dhe erëra të buta fryjnë nëpër ishuj. Për 400 vjet, polinezianët e vendosur në ishujt e largët u përpoqën t’i lundronin ato erëra, pas migrimit të Zambakut të Artë, në ishujt e rinj që ata besonin se duhet të ishin atje. Kanoet e tyre nuk mund të vazhdonin të ndiqnin zogjtë dhe duhej të ktheheshin mbrapa. Por nuk reshtën nga përpjekjet e tyre për 400 vjet para se të arrinin më në fund në arkipelagun Havai!
Ne nuk e dimë, pse ky brez polinezianësh vazhdoi të përpiqej ndërkohë që të paraardhësit e tyre kishin dështuar. Çfarë ju bën të vazhdoni kur nuk e pranoni dështimin, herë pas here? Bibla i inkurajon ndjekësit e Jezusit kur bëhet fjalë për të ngulmuar, për të vazhduar.
“Ai do t’ju mbajë të fortë deri në fund”, thotë (1 Korintasve 1:8). Nëse jeni në një situatë shumë të vështirë sot, dhe mendoni se po arrini fundin; Bibla ju siguron se, ” I drejti mbetet i lidhur fort me rrugën e tij, dhe ai që i ka duart e pastra fortësohet gjithnjë e më tepër.” (Jobi 17:9).
A e dini se si bëhen muskujt? Ndërsa vihen në punë të sforcuara, fibrat e vogla të muskujve çahen dhe më pas shërohen. Muskuli është më i madh, më i fortë dhe i aftë për të bërë më shumë. Si ndjekës i Jezusit, ju po ecni përpara, po rriteni!
Vazhdoni! Vazhdoni të ndiqni Jezusin.