Përpara se të dorëzohesh përballë të nxehtit dhe të fshihesh brenda shtëpisë për pjesën e mbetur të muajve të verës, ne do të të japim disa sugjerime. Këto këshilla ndihmojnë për t’u kujdesur për trupin tënd e për t’u ndjerë i freskët gjatë verës.
1.Dallo shenjat
Kushtoji vëmendjen e duhur sinjaleve që trupi yt dërgon. Dhimbjet e muskujve, dhimbja e kokës, dobësia, lodhja, konfuzioni dhe të përzierat, janë të gjitha shenjat e sëmundjeve që lidhen me nxehtësinë. Nëse keni këto simptoma, hyni brenda dhe freskoni trupin tuaj menjëherë. Simptomat kanë më shumë gjasa të shfaqen në qoftë se je duke punuar jashtë në nxehtësi. Nëse punoni në një vend të tillë, kujdesuni të keni mjaftueshëm ujë më vete, syze dielli, kapelë dhe krem dielli. Gjithashtu sigurohuni të vishni rroba të lehta.
- Qëndro sa më pak jashtë
Përpiqu të shmangësh diellin e mesditës, zakonisht intervalin ndërmjet orës 10:00 dhe 14:00, pasi këto janë orët më të nxehta të ditës. Nëse patjetër duhet të dalësh në këto orë, përpiqu të qëndrosh në hije, ose të freskohesh me ujë. Koha më e mirë për të dalë është mbrëmja.
- Pi ujë
Uji është më i miri për hidratim. Nëse dëshiron të alternosh shijet, provo çajin e ftohtë, limonadën, lëngun e portokallit, ose një pije sportive. Nëse do të ushtrohesh jashtë, pija sportive mund të jetë më e mirë për ty, pasi zëvendësojnë natriumin, kaliumin dhe kloridin, që humbet kur djersin. Duhet të marrësh gjithmonë një shishe uji, madje të mbushur me akull, kudo që të shkosh.
- Mos u stërvit kur është nxehtë
Stërvitja në të nxehtë nuk është e mirë për trupin tënd. Stërvitja vetë, rrit temperaturën e trupit, dhe kësaj i shtohet edhe i nxehti i diellit. Ushtrimi në të nxehtë streson muskujt, pasi trupi qarkullon më shumë gjak në lëkurë në mënyrë që ta mbajë të freskët. Me më pak gjak në muskuj, rrahjet e zemrës rriten. Për një stërvitje më të mirë, dhe për të shmangur ngërçet e muskujve, stërvitu ose në mëngjes ose në mbrëmje.
- Përdor krem dielli
Ti ke nevojë të mbrohesh nga dielli. Kur ka nxehtësi ekstreme duhet të aplikosh SPF-në e duhur në mënyrë që të parandalosh kancerin e lëkurës dhe rrudhat të parakohshme. Dhe e di çfarë? Kremi i diellit në të vërtetë ndihmon trupin të qëndrojë i ftohtë. Djegiet nga dielli, ulin aftësinë e trupit për tu freskuar vetë , gjë që bëhet më e rrezikshme në temperatura të larta.
Duke përdorur një krem me SPF 30, ka shumë më pak të ngjarë të digjesh, dhe më shumë gjasa për të qëndruar i freskët më gjatë. Rekomandohet më së shumti përdorimi i SPF 50, sepse mund të qëndrosh jashtë pesëdhjetë minuta e nuk të duhet të ripërdorësh kremin shumë shpesh. Por nëse digjesh nga dielli, qëndron larg tij dhe përdor aloe vera.
- Vishu lehtë
Kjo nuk do të thotë që duhet të sakrifikosh stilin, por thjesht do të thotë që duhet të veshësh rrobat e duhura për ditët e nxehta. Mbani veshje të lirshme dhe ngjyra të lehta.
- Freskohu
Përveçse të pish ujë ose pije sportive, nëse ndjen ndonjë simptomë prej nxehtësisë, shko në hije ose në një ambient të mbyllur, të freskët. Duhet të freskohesh , të heqësh veshjet e tepërta dhe të vendosësh peshqirë të lagur ose qese akulli në qafë, në dorë dhe në fytyrë. Nëse vazhdon të ndihesh jo mirë pas 30 minutash, duhet të takohesh menjëherë me një mjek.