Nuk ka njeri që në një moment të ditës të mos jetë ndjerë i lodhur. Edhe pse gjatë fundjavës mund të kemi pushuar mjaftueshëm, përsëri ndjehemi të lodhur. Spesh e pyesim veten pse na ndodh kjo dhe si mund ta përballoj këtë lodhje? Ata që vuajnë nga lodhja mund ta ndihmojnë vetvetën duke konsumuar vitamina dhe minerale.

Karbohidratet

Ëmbëlsirat janë ato që munden për një kohë të shkurtër të përmirësojnë gjendjen shpirtërore, por kjo nuk është një zgjidhje afatgjatë. Zgjidhja e vërtetë janë karbohidratet të cilat përpunohen ngadalë gjatë tretjes: buka e zezë, pastat, orizi dhe patatja.

Vitamina C

Mungesa e vitaminës C sjell deri te gjendja e dobësuar e trupit, kështu që gjatë kësaj periudhe duhet ngrënë sa më shumë pemë dhe perime të freskëta. Për shkak të kalimit nga ushqimi i fortë pikant në shujta të lehta organizmi reagon me lodhje.  Në panxhar, karrota, brokoli, domate, lulelakra dhe sallata të gjelbra gjenden vitamina të mjaftueshme, por në to nuk ka kalori të mjaftueshme, kështu që organizmin pas shujtave të tilla shumë shpejt e merr uria. Mirëpo, perimet sezonale janë të çmueshme sepse janë të pasura me antioksidues, të cilët i ndihmojnë organizmit që të pastrohet nga toksinat e grumbulluara.

Ushtrimet

Ushtimet e nxisin organizmin në krijim më të madh të energjisë. Studimet kanë treguar se personat që ushtrojnë në hapësira të hapura janë shumë më pak të dhënë ndaj mendimeve depresive sesa ata që nuk ushtrojnë fare.