Si mund të na ndihmojnë vargjet biblike në karrierën tonë?

Përpara marrjes së vendimeve  të rëndësishme ose mund të përfshihemi në panik, ose të vendosim t’i besojmë Perëndisë. Ndajmë disa vargje biblike që do t’u ndihmojnë në vendimmarrjen në karrierën tuaj.

Bëj më të mirën për përgjegjësinë që të është lënë.

Tërë ato që dora jote gjen për të bërë, bëji me gjithë forcën tënde. Predikuesi 9:10

Disa njerëz bëjnë përpjekje më të vogla kur shohin se po vjen një ndryshim në karrierën e tyre. Gjithsesi, ne duhet të përpiqemi shumë fort edhe kur punojmë me njerëz të vështirë. Sepse më shumë rëndësi  ka shpërblimi shpirtëror  se ai material.

Kalo më shumë kohë me Perëndinë.

Sytë e mi paraprijnë natën për të menduar thellë fjalën tënde. Psalmi 119:148. Kur është koha që të marrim një vendim në karrierë, jemi më të sigurt në marrjen e këtij vendimi, nëse kemi kaluar kohë duke menduar dhe duke u lutur. Ne do të aplikojmë për një punë, do të japim intervista dhe do të prezantojmë më mirë kur mendojmë dhe lutemi.

Jepi fund ankthit për të ardhmen.

Mos u brengosni, pra, për të nesërmen, sepse e nesërmja do të kujdeset vetë për vete. Secilës ditë i mjafton pikëllimi i vet“. Mateu 6:34. Në periudhat kur iu duhet të merrni vendime të rëndësishme në karrierë niveli i ankthit rritet. Ndaj kjo është periudha në të cilën nevojitet më së shumti që ne të lexojmë Biblën sidomos për sigurinë që ajo na jep si në vargun e mësipërm.

Kërko këshillë nga ata që i përkasin fushës tënde

Planet bëhen të qëndrueshme nga këshilla; prandaj bëje luftën me këshilla të urta. Fjalët e urta 20:18. Është e rëndësishme për ne që të marrim udhëzime dhe urtësi nga këshillues të ndryshëm, sidomos nga ata që kanë eksperiencë në fushat që kemi interesin më të madh. Eksperiencat e tyre mund të ndryshojnë nga tonat, por përsëri ka fryte që mund t’i grumbullojmë nga udhëtimi i tyre. Ndërsa ne pyesim dhe kërkojmë këshilla mbi shqetësimet tona, do të kuptojmë më mirë se ku duam të jemi dhe çfarë duam të shmangim.

Injoroje tundimin për të bërë paranë qëllimin tënd kryesor.

Kush ėshtė i dhėnė pas parasė, nuk ngopet kurrė me para, dhe kush dėshiron pasuritė nxjerr pėrfitim prej tyre. Edhe kjo ėshtė kotėsi

Shumica prej nesh konsiderojnë paratë përpara se të konsiderojnë aspekte të tjera të vendimmarrjes në karrierë. Ndonëse është e rëndësishme që të kujdesemi për familjet dhe nevojat tona, duhet të jemi të kujdesshëm sa i përket joshjes nga paraja. Të ardhura më të larta zgjidhin shumë probleme, por gjithashtu  na vendosin përpara gjërave me të cilat nuk jemi të përgatitur të ballafaqohemi.

 Organizoje jetën tënde, duke u përgatitur për ndryshim

Vër në vijë punët e tua të jashtme, vër në rregull arat e tua dhe pastaj ndërto shtëpinë tënde. Fjalët e Urta 24:27. Kur e dimë se shumë shpejt do të na duhet të marrim një vendim në karrierë, ne fillojmë të organizojmë buxhetin. Duke e ndryshuar me zgjuarsi stilin tonë të jetesës, ne e përgatisim veten për mbijetesë në ditët që do të kemi më pak. Kështu marrim vendime të vogla, me të cilat do të bekohemi në të ardhmen.

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI