Mos U Dorëzo Kurrë

Le të mos ligështohemi duke bërë të mirën; sepse, po të mos ligështohemi, do të korrim në kohën e vet. (Galatasve 6:9)

Një nga arsyet se përse njerëzit nuk e dëgjojnë zërin e Perëndisë është thjesht se dorëzohen shumë shpejt. Pali dhe Sila u gjetën duke adhuruar dhe duke lavdëruar Perëndinë në qelinë e tyre të burgut në mesnatë (shiko Veprat 16:25). Shumë njerëz do të ishin dorëzuar dhe do kishin fjetur shumë më herët. Motoja jonë duhet të jetë “Kurrë mos u dorëzo”.

Të inkurajoj të mos dorëzohesh duke folur me Perëndinë dhe të presësh për Të që të të flasë, pavarësisht të gjithave. Kalo kohë me Perëndinë çdo ditë. Një person që refuzon të dorëzohet, Satani nuk mund ta mundë. Satani dëshiron që të dorëzohesh tani dhe të thuash këto gjëra:

“Kurrë nuk do të gjej një punë më të mirë.”
“Kurrë nuk do të martohem.”
“Kurrë nuk do mundem ta laj borxhin.”
“Kurrë nuk do të bie në peshë.”

Qëndrime të tilla mund të garantojnë se kurrë nuk do të marrim gjë! Por ne po ashtu, mund të zgjedhim të mbajmë këtë qëndrim: “Perëndia është besnik ndaj Fjalës së Tij dhe unë kurrë nuk do të dorëzohem.” Një nga arsyet më të mëdha që njerëzit nuk i shohin kurrë rezultatet e lutjeve të tyre është sepse dorëzohen. Ne do të korrim në kohën e duhur, por kur do të vijë kjo kohë? Atëherë kur Perëndia ta shohë se jemi gati të marrim atë që po kërkojmë. Derisa të vijë ajo kohë, puna jonë është të qëndrojmë besnik. Vazhdo të lutesh dhe të bindesh.

FJALA E PERËNDISË PËR SOT: Perëndia na ofron mundësi të dyta, ndaj nëse ke nevojë për një fillim të ri, sot është dita!

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0