Mësoni të falni si Jezusi!

Por Jezusi tha: “At’, fali ata sepse nuk dinë ç’bëjnë.” – Luka 23:34

Dëgjova historinë e një adoleshenti që kishte pirë dhe shkaktoi një aksident që vrau gruan dhe fëmijën e një burri. Burri e dinte që Perëndia donte që ta falte atë djalë të ri që shkaktoi aksidentin dhe përmes shumë lutjesh ai ishte në gjendje të lejonte dashurinë e Perëndisë të rridhte përmes tij.

Ai njeri dinte të falte si Jezusi. Ai e kuptonte që edhe ky djalë i ri ishte i lënduar dhe kishte nevojë për shërim.

Kur të tjerët na lëndojnë, duhet të mësojmë të shikojmë se çfarë njerëzit u kanë bërë vetes në vend që të shikojmë se çfarë na kanë bërë neve, sepse ata që janë të lënduar, lëndojnë. Zakonisht, kur dikush lëndon dikë tjetër, ai me siguri po lëndon veten po aq shumë dhe është duke vuajtur. Prandaj, ndërsa ishte në agoninë e kryqit, Jezusi tha për vrasësit e tij: “At’, fali ata sepse nuk dinë ç’bëjnë.”

Kjo është falje e mrekullueshme. Lejojeni t’ju frymëzojë. Të gjithë kemi nevojë të falim si Jezusi.

Lutje

Zot, kur njerëzit më lëndojnë, më ndihmo të shikoj dhimbjen e tyre para dhimbjes time. Më ndihmo të dua dhe të fal si Jezusi.

Prapa

Përpara

Ndani përshtypjet tuaja me ne

Rreth Joyce Meyer

Joyce Meyer është një nga mësueset praktike të Biblës e njohur në të gjithë botën. Është autore e librave më të shitur sipas “New York Times”. Libra të cilët kanë ndihmuar miliona njerëz të gjejnë shpresë dhe restaurim në Krishtin.
Përmes shërbesës së saj ajo mëson për qindra tema dhe ka shkruar mbi 80 libra, të cilët janë përkthyer në më shumë se 80 gjuhë të ndryshme. Më shumë se 12 milionë libra janë shpërndarë në mbarë botën dhe në vitin 2007 janë shitur më tepër se 3.2 milionë kopje. Joyce ka një program televiziv dhe radiofonik, “Shijo jetën çdo ditë”, që transmetohet në mbarë botën dhe audienca arrin 4.5 miliardë njerëz.

Share 0