Mëngjes energjik

Mëngjesi është pjesa më e rëndësishme e ditës. Sapo hap sytë dhe fillon merr ritmin e ditës, përpiqesh që të bësh ato gjëra që janë më të rëndësishme, pa filluar të të shterojnë energjitë. Studioues të ndryshëm kanë dalë në përfundimin se 3 orët e para pas zgjimit nga gjumi janë më prduktivet, ndaj sigurohuni që në këto orë të përfundoni sa më shumë punë.

Ne po ju japim disa sugjerime se çfarë të bëni përpara orës 10 për të pasur një ditë sa më të bukur.

1.Caktoni qëllimin tuaj të përditshëm

Në qetësinë e ditës, para se të filloni të veproni, planifikojeni ditën duke u fokusuar në tre qëllime që dëshironi t’i përmbushni. Bëni këto qëllime prioritete të ditës. Kur e planifikoni ditën me qëllime, keni më shumë gjasë që të ndjeheni më produktiv në fund të saj.

2.Dëgjoni muzikë

Të filloni ditët duke dëgjuar muzikë jo vetëm që do të ju bëjë të zgjoheni më lehtë, por gjithashtu do të ju mbushë me energji pozitive përgjatë gjithë ditës në vazhdim. Një studim i vitit 2013 gjeti se muzika të bën të ndjehesh mirë. Sipas studiuesve, dy përfitimet më të rëndësishme nga dëgjimi i muzikës janë rregullimi i humorit dhe i vetëdijes.

3.Hidratohuni

Trupi juaj zgjohet i dehidratuar, kështu që është e rëndësishme që të pini ujë që në mëngjes sapo të zgjoheni. Ju duhet të pini një gotë ujë menjëherë pas zgjimit dhe të vazhdoni të pini disa gota të tjera edhe gjatë ditës. Kjo do të ju ndihmojë t’i largoni toksinat nga trupi, duke iu lënë të ndjeheni më pak të uritur.

4.Bëni një zgjatje

Është mirë që ta filloni ditën duke bërë disa ushtrime të zgjatjes, pasi kjo do të ju ndihmojë që të zgjoheni plotësisht. Revista amerikane “Sports Medicine” sugjeron të shtoni një sekuencë të ushtrimeve të lehta gjatë mëngjesit.

5.Buzëqeshni

Filloni ditën duke buzëqeshur duke filluar që kur jeni përballë pasqyrës së banjos. Buzëqeshja do të ketë një efekt pozitiv në qëndrimin tuaj të përgjithshëm dhe mirëqenien. Buzëqeshja ju bën më të arritshëm dhe ju shfaqë më të besueshëm. Në fakt, Universiteti i Montepellier-it zbuloi se buzëqeshja do të ju bëjë gjithashtu një lider më efektiv.

Mos harroni : Buzeqeshini një të panjohuri. Ndoshta ky mund të jetë gëzimi i tij i vetëm për këtë ditë

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0