Mbetjet e ushqimeve

Lexo:Ligji i Përtërirë 26:1-2, 10-11

“Mami, tabela është ende aty!” Xhoela vuri hundën në dritaren e makinës, ndërsa po kalonin pranë oborrit të një fqinji. Tek tabela e madhe ishte shkruar: “Kotele falas”, dhe Xhoela i përgjërohej vazhdimisht nënës që ta merrte një.

“Dëgjo, unë dhe babi yt biseduam për këtë,” tha nëna. “Dhe vendosëm që mund ta marrësh një kotele.” Xhoela klithi e gëzuar dhe sapo ajo dhe nëna u kthyen në shtëpi, ato shkuan në shtëpinë e fqinjit për të zgjedhur një kotele. Xhoela zgjodhi më të voglën. “E kam quajtur Ranti,” tha ajo me gëzim kur i tregoi kotelen vëllait të saj, Klejdit. “Emër i bukur,” tha Klejdi. Dy javë më vonë, nëna dhe Xhoela e çuan Rantin te veterineri për vizitën e parë. “Ranti është pak i dobët,” tha veterineri. “Me çfarë e ushqeni?”

“Me qumësht,” tha Xhoela, “dhe me ushqime të mbetura.” Nëna pohoi me kokë. “Shumica e gjëra që ai ha, janë mbetje të vakteve tona.” “Ky mund të jetë problemi,” tha veterineri. “Mbetjet e ushqimeve tuaja mund të mos kenë lëndët ushqyese që e ndihmojnë Rantin të rritet siç duhet. Përpiquni ta ushqeni me ushqim të posaçëm për kotele dhe mendoj se do të fillojë të jetë më mirë.”

Kur po ktheheshin në shtëpi, Xhoela dhe nëna ndaluan për të blerë ushqimin e veçantë që veterineri iu kishte sugjeruar për kotelen. “Duke filluar nga ky çast Ranti do të hajë vetëm ushqim të mirë dhe të shëndetshëm, të përgatitur posaçërisht për kotelet,” i tha Xhoela vëllait të saj atë mbrëmje.

Klejdi qeshi. “Epo, më vjen mirë që nuk jam Ranti,” tha ai. “Mua më pëlqen vetëm ushqimi i konservuar.”

Duke dëgjuar bisedën e fëmijëve, babai buzëqeshi. “Pra, Ranti nuk do të hajë më ushqime të mbetura?” pyeti ai. “Unë njoh edhe dikë tjetër që nuk duhet të marrë më ushqim të mbetur. E gjeni dot se kush mund të jetë?” “Ë… mos je ti?” pyeti Xhoela e habitur. “Ti gjithmonë thua se të pëlqen ai ushqim.” Babai qeshi. “Më pëlqen,” tha ai, “por po mendoja që edhe Perëndisë ndonjëherë i japim nga mbetjet tona. Në vend që t’i japim Atij vetëm atë që na mbetet nga koha, dashuria apo përpjekja jonë, ne duhet t’i japim më të mirën tonë në çdo gjë që bëjmë.”

“Mendoj se e kuptova,” u përgjigj Xhoela. “Ja pse ti thua se duhet të vëmë mënjanë ofrimin për kishën, apo jo? Po ashtu duhet të japim ndihmën tonë me projektet e shërbimit që bën klasa jonë.” Ajo qeshi. “Por më vjen mirë që të pëlqen ushqimi i konservuar, babi,” shtoi ajo. “Sepse ashtu mendoj që do të hamë për darkë.”

A i jep Perëndisë më të mirën tënde? A i jep Atij të parit? Para se të shpenzosh për veten tënde, a e vendos mënjanë një pjesë të caktuar të parave të tua? Apo fillimisht blen atë që dëshiron? A kalon kohë me Perëndinë vetëm atëherë kur të mbetet pak nga koha në fund të ditës? A ofron energjinë që të ka mbetur për të ndihmuar dikë vetëm pasi ke bërë gjërat që të pëlqejnë? Perëndia i tha popullit të Tij të sillte frutat e para” dhe t’i jepte Atij të parit. Ai këtë kërkon edhe nga ty.

 Jepi Perendisë më të mirën tënde!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI