Gjithnjë e më shumë po rritet numri i aborteve në botë. Me të njëjtat ritme ky fenomen është duke u rritur edhe në Shqipëri. Edhe pse një pjesë e konsiderueshme e mjekëve mundohen ta parandalojnë këtë tendencë duke i këshilluar vajzat apo gratë për rrisqet e mëvonshme, duket se vrulli për të shkëputur fëmijët nga jeta nuk po ndalet. Zakonisht justifikimi nis me faktin se një embrion nuk ndjen, nuk është i gjallë dhe as i vetëdijshëm për ekzistencën e tij, por Perëndia na siguron se jeta e njeriut fillon që në ngjizje.
“Kështu thotë Zoti, Shpengimtari yt, ai që të ka
formuar që në bark të nënës: Unë jam Zoti që kam
bërë tërë gjërat.” (Isaia 44:24)
Le të shqyrtojmë disa nga fazat e zhvillimit të jetës së një embrioni.
Muaji i Parë
— Menjëherë pas pllenimit, fillon zhvillimi qelizor. Seksi i qenies së re, mund të përcaktohet që përpara ngulitjes.
— Në momentin e ngulitjes, qenia e re përbëhet nga qindra qeliza, e ka zhvilluar një hormon mbrojtës për të mos lejuar që trupi i nënës ta refuzojë të palindurin, si një ind të huaj.
— Në moshën 17 ditore, jeta e re ka zhvilluar rruazat e gjakut.
— Në moshën 18 ditore, ndodh me raste pulsimi i një muskuli
(që është zemra).
— Në moshën 19 ditore, fillojnë të zhvillohen sytë.
— Në moshën 20 ditore, është shtrirë themeli i trurit, shtyllës kurrizore si dhe i të tërë sistemit
nervor.
— Në moshën 21 ditore, zemra fillon të rrahë.
— Në moshën 28 ditore, janë zhvilluar shtylla kurrizore dhe 40 çifte muskujsh në bustin e jetës
së re. Krahët dhe këmbët janë në formim e sipër.
Muaji i Dytë
— Në moshën 30 ditore, qarkullimi i rregullti gjakut është i dukshëm përbrenda sistemit vaskular; ka filluar zhvillimi i veshëve dhe i hundës.
— Në moshën 40 ditore, zemra e fëmijës rreh më shpejt se zemra e nënës, e prodhon pothuajse 20 përqind të energjisë së zemrës së një të rrituri.
Java 6
— Foshnja është 1,27 cm i gjatë.
— Në moshën 42 ditore, skeleti ka përfunduar dhe reflekset janë të pranishëm.
— Në moshën 43 ditore, mund të regjistrohen modele valësh elektrike të trurit. Kjo zakonisht është një provë e mjaftueshme që tregon se në tru po zhvillohet procesi i “të menduarit”. Jeta e re tashmë mund të konsiderohet si një person që mendon.
Java 7
— Foshnja është 63,5 mm i gjatë.
— Në moshën 49 ditore, fetusi ka pamjen e një kukulle të vogël, me gishtërinj dhe veshë të plotë.
Java 8
—Në moshën 56 ditore, të gjitha organet (si:stomaku, mëlçia, veshkat, truri), janë funksionale
e të gjitha sistemet janë në punë. Jeta e re i ka të gjitha pjesët e saj fizike, e tani ka nevojë vetëm
për ushqim. I gjithë zhvillimi i ardhshëm, është thjesht ai i përmirësimit dhe rritjes së madhësisë,
derisa të arrihet pjekuria rreth moshës njëzet e tre vjeçare. Kjo fazë është afërsisht dy muaj përpara “gjallërimit”, ose përpara se mamaja të ndjejë lëvizjet. Mamaja zakonisht nuk i ndjen lëvizjet e fëmijës deri katër muaj pas ngjizjes.
Muaji i Tretë
— Foshnja është 5,1 cm e gjatë. Fillojnë të shfaqen gjurmët e gishtërinjve.
— Në moshën 9 dhe 10 javore, picërron sytë, përtypet dhe luan gjuhën. Pamja e fytyrës dhe
trupit të tij, i përngjan më shumë asaj të një foshnjeje, dhe karakteristikat fizike janë bërë të dukshme.
— Në moshën 11 dhe 12 javore, lëvizin krahët dhe këmbët ndërkohë që shfaqen edhe thonjtë.
Përveç thithjes së gishtit, jeta e re merr dhe nxjerr lëng amniotic.
— Në moshën 13 javëshe, në kokën e foshnjës shfaqen flokët.
Muaji i Katërt
— Në moshën 14 javëshe, i bashkon të dyja duart dhe thith gishtin e madh të njërës dorë.
— Në moshën 16 javëshe, dallohen qartë organet gjenitale. Duart janë në gjendje që të kapin gjëra. Jeta e re noton, shkelmon dhe bën kapërdimje, paçka se këto lëvizje shpesh herë janë ende të pandjeshme nga mamaja.
Muaji i Pestë
— Në moshën 18 javëshe, foshnja është 30 cm e gjatë, dhe mamaja mund ta ndjejë foshnjën e saj
tek lëviz. Kordat zanore funksionojnë. . . . Jeta e re mund të qajë.
Muaji i Gjashtë
— Në moshën 26 javëshe, organet shqisore funksionojnë të tërë— foshnja është në gjendje të
dëgjojë, shikojë, shijojë dhe prekë.
Nëse dëshironi më tepër informacion për këtë temë kontaktoni Qendrën e këshillimit “Ҫelësi Im” një shërbesë e Radio 7 në bashkëpunim me organizatën ndërkombëtare Shpresë për zemrën. Misioni i saj është “të japim një këshillim biblik që rinovon mendjet, shëron zemrat, dhe u sjell shpresë të lënduarve, si edhe të fuqizojmë të tjerë për të bërë të njëjtën gjë.
Na kontaktoni në [email protected], P.O.BOX 29 14 Tiranë