Lufta Izrael-Hamas vazhdon të jetë e ashpër, më shumë se 1400 persona kanë vdekur nga sulmet e Hamas dhe më shume se 200 të tjerë po mbahen peng në Gaza, ndërkohë Izraeli po bën çdo lloj përpjekje për të liruar pengjet dhe është shprehur se pa lirim të pengjeve nuk ka armëpushim me Hamasin. Ndërkohë, mënyrat se si njerëzit kanë shpëtuar nga sulmet e Hamas janë të shumta dhe të mrekullueshme. Dr. Yoram Klein, drejtor i Qendrës së Traumës dhe Ndërhyrjeve Kirurgjikale Sheba, në Izrael tregon dëshminë e një çifti të rinjsh dhe vajzës së tyre që arritën ti mbijetonin sulmit terrorist të Hamasit.

Klein tregon se çifti dhe vajza e tyre 2-vjeçare kanë djegie të shkallës së lartë. “Në ngjarjet e 7 tetorit dy prindërit izraelit u mbyllën në dhomën e tyre të sigurisë. Pasi terroristët e Hamas nuk ishin në gjendje të hynin në atë dhomë, vendosën të djegin shtëpinë. Ata mund të kishin mbetur të vdekur në vend, por që gjetën një rrugëzgjidhje të paimagjinueshme, e futën fëmijën në mes të trupave të tyre, të përqafuar me njëri-tjetrin, u hodhën nga dritarja dhe ranë mbi një kamion. Fatmirësisht, ata shpëtuan dhe ishin në gjendja të mund të evakuoheshin në Qendrën mjekësore Sheba- ka thënë Dr. Yoram Klein. Mes të tjerash, ai ka thënë që kjo është vetëm një nga shumë dëshmitë se si persona të ndryshëm në Izrael, kanë mundur të shpëtojnë jetët e tyre nga sulmet terroriste të Hamasit.