Kush, mes nesh, nuk ka asnjë peng? Ja ku janë 5 gjëra që njerëzit do donin t’i kishin ditur kur ishin të rinj.
Jeta ikën shpejt
Kur njerëzit janë në të 60-at do donin ta kishin ditur më parë, se jeta ikën shumë shpejt! E sa më shumë kalon mosha, më shpejtën ikën edhe koha. Është njësoj sikur të ecësh në autostradën e jetës dhe miljet të ikin gjithmonë e më shpejt. Njerëzit do donin të kishin ndaluar dhe të merrnin kohë për të nuhatur trëndafilat e të ndihmonin dikë.
Mos beso çdo gjë që dëgjon
Kur jemi të rinj, jemi shumë naiv sa besojmë thuajse gjithçka që dëgjojmë. Madje kur jemi të vegjël besojmë edhe gjëra që nuk kanë kuptim në të vërtetë. E më vonë zbulojmë që shumë gjëra që na kanë thënë janë gënjeshtra. Kur jemi të rinj jem pak “leshko”. Ah sikur ta kuptonim që të rinj, që Bibla thotë të vërtetën, ndërsa njerëzit jo gjithmonë.
Miqtë janë të rëndësishëm
Sa më shumë kalon mosha, më shumë e kuptojmë vlerën e miqësisë. Në një moshë më të madhe pendohemi për fjalët e rënda që u kemi thënë miqve. Disa miq me siguri i kemi bërë armiq. Vlera e tyre shtohet me kalimin e moshës sepse miqtë e mirë janë të vështirë për tu gjetur, e shumë prej nesh i marrim për të mirëqenë.
E sotmja ka vlerë të përjetshme
Gjithë “të sotmet” në jetë duken të turbullta, kur mosha kalon. Kur je i ri mendon se do të jesh gjithmonë i tillë, dhe vdekja duket shumë larg, por vjen një moment që fillojmë të humbasim miqtë dhe familjen, nga kjo botë. Ndaj duhet të kuptojnë që momenti i tanishëm ka një vlerë të përjetshme. E nesërmja nuk është e garantuar për askënd prej nesh. Kur mosha kalon pendohemi që nuk ia kemi thënë mjaftueshëm miqve dhe familjarëve, se sa i donim. Për shumë gjëra dhe persona është shumë vonë.
Paraja nuk është gjithçka
Paraja nuk është gjëja më e rëndësishme ne jetë. Kur jemi të rinj, mendojmë se të shkosh pas parasë dhe të përvetësosh gjëra është qëllimi kryesor i jetës. Më vonë, kuptojmë se njerëzit janë më të rëndësishëm se gjërat, dhe kjo përfshin edhe paratë. Gjithmonë mund të marrësh më shumë para, por nuk mund të krijosh aq lehtë më shumë marrëdhënie. Shumë shpesh i vlerësojmë paratë dhe gjërat më shumë se njerëzit, por më vonë kuptojmë se është e kundërta.
Përfundimi
Mund të përfshinim po ashtu faktin se që nuk duhet të djegim ura sepse mund të na duhet të kalojmë sërish mbi to. Gjithashtu, nuk duhet të kemi frikë të rrezikojmë sepse shpërblime të mëdha vijnë pas rreziqeve të mëdha. Po ashtu nuk duhet të kemi frikë nga gabimet sepse në këtë mënyrë mësojmë shumë në jetë. Gabo, mëso prej gabimeve, dhe si rezultat, rritu. Ndoshta nuk kemi ndonjë peng të mirëfilltë. Jeta është e mirë. Zoti është i mirë. Por kur të jemi në moshë të thyer duhet të përfitojmë nga koha që na ka mbetur dhe të zbulojmë se qëllimi në jetë është t’i japim lavdi Perëndisë dhe të jemi dëshmitarë besnikë të Krishtit. Ia vlen të presësh për këtë mësim.