Lexo: Jakobi 1:22-25

Tori u përpoq të hiqte kapakun e shishes së bojës që duhet të përdorte për një model aeroplani që kishte marrë për ditëlindje. U skuq në fytyrë ndërsa përpiqej me gjithë forcën e tij që të hapte kapakun. Në fund, e mori shishen në garazh; mori një nga kaçavidat e babait dhe u përpoq ta hiqte kapakun me forcë. Kaçavida rrëshqiti dhe i çau gishtin. “Ooo!” bërtiti Tori kur pa një pikë gjaku të dilte nga e çara në gisht. Ai e la shishen dhe shkoi në shtëpi për të marrë një fashë.

Kur Tori u kthye sërish në garazh, babai sapo ishte kthyer nga puna. “Çfarë i ke bërë gishtit?” – pyeti babai duke parë fashën në dorën e Torit. Ai i shpjegoi punën e kapakut. “I lexove udhëzimet në letrën e shishes?” pyeti babai.

“Udhëzime? Për të hapur shishen?”- pyeti Tori i habitur.

Babai mori shishen e bojës dhe tregoi me gisht atë që ishte shkruar tek kapaku. “Thuhet që e shtyp dhe më pas e rrotullon. E bëre këtë?”

Tori mohoi me kokë: “Nuk e lexova,” tha ai. Kur ai ndoqi udhëzimet, kapaku u hap me lehtësi. Tori qeshi: “Herën tjetër që do të provoj diçka të re, do të jem i vetëdijshëm se duhet të lexoj udhëzimet. Babi, dëshiron të shohësh sesa shumë kam punuar me modelin e aeroplanit?”.

Sigurisht,” u përgjigj babai, dhe ata shkuan në shtëpi. Babai duke parë me admirim modelin e aeroplanit  i tha: “ lumtë. Shpresoj që gishti yt i çarë të mos pengojë shumë ndërkohë që do ta përfundosh këtë.”.

Tori vazhdoi: “Edhe unë këtë shpresoj! Babi, kjo ngjason me atë që ti më the javën e shkuar.”. Babai qeshi. “Javën e shkuar unë të kam thënë shumë gjëra. Për cilën këshillë të mirë po mendon?” Tori u përgjigj: “Ti më the se Bibla na jep udhëzime për jetën, dhe që pa to mund të bëjmë gjëra që janë të gabuara; kështu, pastaj lëndohemi, ashtu siç vrava gishtin kur nuk i mora parasysh udhëzimet  në shishen e bojës, apo jo?”.

Babai i tha: “Ke menduar drejt, por kur nuk i ndjek udhëzimet e Perëndisë për mënyrën se si jeton, ti lëndohesh edhe më shumë sesa thjesht të çash gishtin.”

Tori u përgjigj me një buzëqeshje : “Po, dhe në fakt, ashtu siç thashë… tani jam i vetëdijshëm se duhet t’i lexoj udhëzimet. Gjithashtu di se si t’i ndjek më mirë ato!”.

A i lexon udhëzimet që Perëndia jep në Bibël? A i ndjek ato? Apo përpiqesh që t’i bësh gjërat sipas mënyrës tënde? Është e rëndësishme ta lexosh Biblën dhe të mësosh atë që Perëndia thotë, por sigurohu që jo thjesht t’i lexosh udhëzimet e tij. Kur nuk bën atë që Perëndia thotë, ti mund të lëndohesh shpirtërisht, dhe ndonjëherë edhe fizikisht. Mos harro… lexoji dhe ndiqi udhëzimet e Perëndisë.

Ndiq udhëzimet e Perëndisë!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI