Fituesit e edicionit të 58 të çmimeve Grammy

Edicioni i 58 i çmimeve Grammy është mbyllur me sukses ku u ndanë çmimet për fituesit e kategorive të rëndësishme muzikore gjatë një transmetimi live në rrjetin televiziv CBS. Muzika e Krishterë bashkëkohore vlerësoi artistet më të mirë. Trofetë e Grammy i ngritën emrat më të spikatur dhe të pëlqyer të muzikës bashkëkohore . Një nga ata që festoi këtë mbrëmje ishte dhe TobyMac.

tobymac grammy krash 2

Pjesë e fitoreve të TobyMac përgjatë viteve iu shtua dhe një çmim GRAMMY për albumin më të mirë bashkëkohor të krishterë për albumin This Is Not A Test. Ky album fitoi mbi projektet e tjera të nominuara në të njëjtën kategori të Jason Crabb, Matt Maher, Chris Tomlin dhe Lauren Daigle. Bashkë me dy nominimet e tij për këtë vit, TobyMac mban plot 11 nominime që nga momenti kur u prezantuar si artist solo në vitin 2001. Ai fitoi në 2009 për albumin e tij Alive and Transported dhe sërish në 2013 për albumin Eye On It.

Francesca Battistelli fitoi çmimin për këngën më të mirë të krishterë Bashkëkohore për këngën “Holy Spirit”. Në këtë kategori ishin të nominuar tre këngë të tjera të mirënjohura të adhurimit të krijuara nga Crowder, Matt Maher dhe Third Day si dhe hiti i fundit i TobyMac, “Feel It.” Ky ishte nominimi i tretë Grammy për Francescën dhe fitorja e saj e parë.

“Jam shumë falenderuese për Brian & Katie Torwalt që kanë shkruar një këngë të jashtëzakonshme që Zoti po e nderon! Jam falenderuese që mund ta këndoj!” – ka thënë Francesca Battistelli

Israel Houghton & New Breed Gramy Krash

Israel Houghton & New Breed, një grup që ka fituar pesë herë cmimin GRAMMY, në edicionin e 58 fituan dhe të gjashtin për albumin Covered: Alive In Asia në kategorinë Albumi më i Mirë Gospel. Në këtë kategori të nominuar ishin artistë si Karen Clark Sheard, Dorinda Clark-Cole, Tasha Cobbs dhe Jonathan McReynolds. Israel falenderoi në rrjetet sociale ata që bënë të mundur realizimin e këtij albumi duke thënë: “Jam pa fjalë! Do të ishte e pamundur ta realizoja këtë album pa gjithë mbështetësit e mi, puna në skuadër është puna më e mirë që mund të ëndërrosh.”

Fituesi i çmimit për Këngën më të Mirë Gospel, nuk ishte surprizë duke qenë se Kirk Franklin ishte fituesi në një kategori ku të nominuar ishin Anthony Brown & Group Therapy, Travis Greene, Brian Courtney Wilson dhe Israel Houghton & New Breed. Kirk ka fituar tetë çmime nga tetë nominime që prej vitit 1997.

“Jam shumë krenar për gjithë familjen e muzikës gospel sot në Grammy! Ky çmim vlerëson atë që bëjmë, kjo nuk përcakton se kush ne jemi.” – ka thënë Kirk Franklin për fitoren.

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0