Në versionin film të Borëbardhës, bukuroshja e re angazhohet me atë që zemra e çdo vajze dëshiron. Një ditë princi im do të vijë, një ditë do e gjej dashurinë time dhe sa mbresëlënës ka për të qenë ai moment, kur princi i ëndrrave të mia të vijë tek unë . . . . Por si e gjen ajo dashurinë e jetës së saj? Po princi si e gjen dashurinë e jetës së tij? Në përrallë, për të dy ata, kjo është një lojë pritjeje.

Nëse ti je duke luajtur lojën e pritjes, atëherë ki durim. Prit për zgjedhjen e Perëndisë për një të dashur, i cili sipas planit të Perëndisë, mund të bëhet partneri yt.

Tek Psalmi 38:15 Fjala e Zotit thotë: Sepse shpresoj te ti, o Zot, ti do të më përgjigjesh, o Zot, Perëndia im.

Udhëzime për pritjen

• Cakto bindjet e tua, shkruajini ato bindje e vëri në një vend shumë të dukshëm.
• Tregojua ato bindje të tjerëve, të cilët do të të kërkojnë llogari për qëndrimin besnik ndaj tyre
• Zhvillo miqësi me ata që kanë të njëjtat bindje morale, e jo me ata që rendin pas marrëdhënieve seksuale.
• Zgjidh miq të mirë, të cilët do ndajnë të njëjtat bindje me ju.
• Qëndro larg aktiviteteve, të cilat do të komprometojnë bindjet e tua.
• Shmang fillimin e takimeve me njerëz të cilët merren me thashetheme, nuk do të kalojë shumë e ata do të bëjnë thashetheme edhe për ty.
• Praktiko t’u thuash jo të tjerëve, në mënyrë që t’i thuash po Perëndisë.

“Unë tani vallë kërkoj të fitoj miratimin e njerëzve apo të Perëndisë? Apo kërkoj t`u pëlqej njerëzve? Sepse, po të kërkoja t`u pëlqej njerëzve, nuk do të isha shërbëtori i Krishtit.” (Galatasve 1:10)

Vënia e pastërtisë si prioritet në takimet mes të dashuruarve

• Në takimet e tua, bëje prioritet standardin e Perëndisë për pastërti. (Hebrenjeve 13:4)
• Kërkoji vetes llogari për mënyrën se si e trajton trupin e personit me të cilin/cilën takohesh. (1 Thesalonikasve 4:6)
• Pendohu e ripërkushtoju pastërtisë seksuale nëse këto standarde shkelen. (1 Thesalonikasve 4:3–4)
• Përmbush qëllime që janë të pëlqyeshme për Perëndinë. (2 Korintasve 5:9–10)
• Ki motive të pastra për të dalë në një takim dashurie.
• Beso në kohën që Perëndia ka caktuar. (Zanafilla 29:20)
• Kërkoi Perëndisë të drejtën për të njohur personin e duhur dhe për t’u martuar. (Mateu 6:33)

Modelet shkatërrimtare të takimeve

• Takime për arsyet e gabuara
• Nënshtrim ndaj trysnisë së shoqërisë
• Maska mashtruese
• Braktisje e standardeve personale
• Shtrembërim i konceptit të dashurisë
• Zhvillim i papërshtatshëm i veprimtarisë seksuale
• Ndryshim i standardeve morale
• Mosbindje ndaj strukturave të autoritetit
• Devijimi nga rendi progresiv i caktuar nga Perëndia
• Varësi nga personi me të cilin takohesh, për gjetjen e identitetit tënd personal

“Njeriu mendjemprehtë e shikon të keqen dhe fshihet, por naivët shkojnë tutje dhe ndëshkohen.”(Fjalët e Urta 27:12))