I ftuar në programin “Krash”, në Radio 7 ditën e sotme ishte pastori Ermir Taja. Ai së fundmi ka sjellë albumin e tij të katërt “Dritën Ndriço”.

Në fillim të intervistës, ai u shpreh se ungjilli, muzika dhe adhurimi janë në zemrën e tij dhe ky album është albumi i pandemisë.

“Në zemrën time është muzika, adhurimi, ungjilli, muzika ungjillore, pra disa gjëra që janë shumë të nevojshme në kishën shqiptare. Jo vetëm vetëm thjesht si një histori, por si një investim i mirë që duhet të bëjmë  në ato dhunti dhe aftësi që Zoti na ka dhënë dhe Zoti më ka dhënë mua këto gjëra. Unë gjithmonë kam qenë me një lutje përpara Perëndisë: Ja ku jam Zot, më përdor”.

Albumi “Dritën Ndriço” përmban 10 këngë, disa prej të cilave janë shkruar dhe kompozuar edhe nga bashkëshortja e tij, Vita Taja. Këngët janë krijuar duke u bazuar në momente dhe histori të hershme, ku Zoti i ka prekur personalisht.

“Kjo është një nismë e hershme, por sigurisht në këtë rrugëtim me adhurimin, me muzikën, në ecjen me Perëndinë, patjetër që Perëndia freskon dhe sjell shumë gjëra të bukura dhe të paimagjinueshme. Në këto 10 këngë, ka këngë që vijnë nga momente dhe histori të hershme ku Zoti na ka prekur personalisht, jo vetëm mua, por edhe nusen time sepse edhe ajo shkruan dhe kompozon këngë. Por disa vijnë edhe nga vetë historia e kishës”.

Në fund, pastori shton se dëshira është që të bëhet edhe një promovim i albumit, duke përfshirë edhe artistë dhe muzikantë të tjerë të krishterë.

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI