Presidenti Donald Trump bëri një vizitë të shpejtë të paparalajmëruar në Kishën McLean Bible, të dielën në mëngjes ku  Pastori David Platt u lut për të.

“Perëndi, ne të lavdërojmë ty si i vetmi mbret universal mbi gjithçka,” u lut Platt me një dorë që mbante një Bibël të hapur dhe dora tjetër ishte në shpinën e Trump. “Ti je udhëheqësi dhe Zoti ynë e ne të adhurojmë. Ka vetëm një Perëndi dhe shpëtimtar e ai je Ti. Emri Yt është Jezus dhe ne të lartësojmë Ty Jezus.

“Dhe ne e dimë që kemi nevojë për mëshirën tënde. Ne kemi nevojë për hirin tënd, kemi nevojë për ndihmën Tënde, ne kemi nevojë për urtësinë tënde në vendin tonë. Kështu që tani qëndrojmë, në emër të presidentit tonë, dhe lutemi për hirin tënd, mëshirën tënde dhe urtësinë tënde në të.

“Perëndi, ne lutemi që ai ta dijë se sa shumë e do. Aq shumë sa dërgove Jezusin që të vdiste për mëkatet e tij, për mëkatet tona, kështu që ne lutemi që ai të shoh tek ty. Që ai të të besojë ty. Që ai të mbështetet tek Ty. Që ai të qeverisë dhe të marrë vendime në mënyrë të drejtë, të ndershme, të paanshme, në çdo mënyrë të mira.

“Zot ne lutemi, që Ti do ti japësh atij gjithë hirin për të cilin ka nevojë për të qeverisur në mënyrat që i shohim te 1 Timoteut, kapitulli 2, që do të çojnë në jetë të paqta dhe të qeta, të perëndishme dhe të denja në çdo formë.

“Perëndi, ne lutemi për bekimin tënd, në këtë mënyrë, mbi familjen ë tij. Ne lutemi që do tu japësh fuqi, ne lutemi që do tu japësh kthjelltësi, urtësi.

“Urtësia, Frika e zotit është fillimi i urtësisë. Të marrët i përçmojnë urtësinë dhe mësimin. Të lutem, Perëndi, jepi urtësi. Dhe ndihmoje të drejtojë vendin tonë, bashke me udhëheqësit e tjerë.

“Ne lutemi sot për udhëheqësit e Kongresit. Ne lutemi për udhëheqësit e gjykatave. Ne lutemi për udhëheqësit në nivele kombëtare dhe shtetërore.

“Të lutem, Perëndi, na ndihmo të shohim tek Ty. Na ndihmo të besojmë Fjalën Tënde. Na ndihmo të kërkojmë urtësisë Tënde dhe të jetojmë duke reflektuar dashurinë dhe hirin tënd, drejtësinë dhe ndershmërinë tënde. Ne lutemi për bekimet e tua mbi presidentin tonë deri në fund. Në emrin e Jezusit në lutemi. Amen.”

Trump u largua pa mbajtur një fjalim dhe tha vetëm “faleminderit“ ndërsa përshëndeti audiencën që po duartrokiste kur u largua nga skena.

Një video e lutje u postua në Bloomberg.

E diela ishte gjithashtu “dita e veçantë e lutjes për Presidentin,” e udhëhequr nga ungjillori Franklin Graham, por të dyja këto ngjarje nuk u dukën se patën lidhje me njëra – tjetrën.

Sipas Shtëpisë së Bardhë, Trump vizitoi McLean Bible “që të vizitonte pastorin dhe të lutej për viktimat dhe komunitetin e plazhit Virxhinia,” sipas The Hill.

Një person i armatosur vrau 12 kolegë në plazhin e Virxhinias të Premten.

Përveçse pastor, David Platt është edhe autori i programin Lutu Përmes Fjalës. Ky program vjen për ju në Radio 7, çdo ditë në orën 07:30 dhe 19:30.