Ja, dora e Zotit nuk është tepër e shkurtër për të shpëtuar, as veshi i tij nuk është tepër i rënduar për të dëgjuar.-Isaia  59 :1

Kur isha fëmijë, e ngacmoja mamin tim  duke i bërë shumë pyetje, derisa e tërbuar më thoshte: “Nuk ka më pyetje deri nesër!” Sigurisht, kam një mundësi të bëj pyetje të minutës së fundit për Zotin për të zgjatur edhe pak kohën e gjumit – diçka si, “Mami, si duket Zoti?”

Kur një mik më pyeti një herë: “A ka Zoti krahë?” Unë u përgjigja: “Po!” Ka të paktën 40 referenca biblike për “krahun” ose “krahët” e Perëndisë. Krahu i Perëndisë përdoret për të simbolizuar forcën dhe fuqinë, si kur Jeremia shkroi: “
“Ah, Zot, Zot! Ja, ti e sajove qiellin dhe tokën me fuqinë tënde të madhe dhe me krahun tënd të shtrirë. Nuk ka asgjë tepër të vështirë për ty.” (Jeremia 32:17)

Thuhet gjithashtu se krahu i Perëndisë ka siguruar shpëtimin tonë nëpërmjet Jezusit. (Isaia 52:10) Por ka edhe më shumëse kaq; kur jemi në nevojë, ne mund të thërrasim krahun e fortë dhe të fuqishëm të Perëndisë që Bibla thotë: “nuk është shumë i shkurtër” për të plotësuar asnjë nga nevojat tona (Isaia 59:1). Krahu i Perëndisë nuk është vetëm i fuqishëm për të shpëtuar, por gjithashtu na mban të sigurt. Sa pamje të bukur që na jep Isaia 40:10-11 për krahët e butë të Jezusit; “Krahu i tij do të sundojë për të. . . . Ai do të kullosë kopenë e tij si një bari, do t`i mbledhë qengjat me krahun e tij dhe do t`i mbajë në gji .”

Zoti nuk ka duar njerëzore apo formë fizike. Jezusi tha: “Perëndia është Frymë” (Gjoni 4:24). Por Ai është me të vërtetë i fuqishëm për të na shpëtuar dhe dëshiron të na mbajë të sigurt kur të vijmë tek Ai.