Gratë më pyesin vazhdimisht “ Si t’ia bëj që burri im të kuptojë përgjegjësinë për të udhëhequr frymërisht familjen tonë?  Tani dua t’u flas pak burrave.

Të udhëheqësh nuk do të thotë vetëm t’u lexosh fëmijëve historitë e Biblës. Mësimi dhe lutja bashkë me ta është një pjesë e rëndësishme, por nuk është e gjitha.

Jozueu tha “ Sa për mua dhe për shtëpinë time do t’i shërbejmë Zotit.” ( Jozueu 24:15).

Ai vendosi se në cilin drejtim do të shkonte familja e tij. Kështu  po merrte përsipër përgjegjësinë për mirëqenien e tyre frymërore. Ai ishte personi që mori vendimin për ta.

Baballarët besojnë se duhet të sigurojnë për familjen e tyre ushqimin, veshjen dhe strehimin. Kjo është e mrekullueshme! Por nuk mbaron me kaq.

Psikologët thonë se fëmija në fillim e ndjen sigurinë tek  nëna e tij.  Por ai e përfiton ndërgjegjen prej babait. Foshnja kupton nga babai se çfarë është mirë dhe çfarë është  gabim. Sot kemi rritje të shifrave të krimit të adoleshentet . Gjithashtu një numër i madh  familjesh nuk  kanë baba.

Fëmijët e dinë se çfarë është e rëndësishme për baballarët e tyre.   Nuk ka shumë rëndësi ajo që u thua. A i tregon shitëses kur të ka kthyer më shumë para se ç’duhet?  A shikon programe të papërshtatshme dhe mendon se fëmijët nuk do ta zbulojnë këtë?  A ngrihesh në mëngjes për të shkuar në Kishë edhe pse je vonuar shumë të Shtunën në mbrëmje? Do ishte mirë të dije se fëmijët e tu kuptojnë gjithçka që ti bën.

Baballarë, shtëpia juaj është vendi ku keni më shumë ndikim. Shfrytëzojeni këtë mundësi. U jepni fëmijëve tuaj drejtimin e duhur. Një ditë ata kanë për të ecur në gjurmët tuaja.