Lexo: Fjalët e Urta 1:5-9; 1 Pjetrit 5:5-6

Kur Adi i vogël bërtiti me të madhe, nëna nxitoi në kopshtin e pasmë të shtëpisë që të shihte se çfarë kishte ndodhur. Duke mbajtur në dorë një copë xhami të thyer, Tina tha: “Unë thjesht i mora këtë xhamin e thyer. Adi e gjeti përtokë dhe do ta fuste në gojë. Unë e ndalova. Po kjo gjë nuk i pëlqeu.”

Nëna e mori në krahë djalin e vogël dhe tha: “Tina, të falënderoj që u tregove kaq e kujdesshme me të. E ke shpëtuar nga një plagë e madhe.”.

Tina ngriti supet duke thënë: “Po, por Adi nuk e vlerësoi fare këtë. Ai mendoi se po sillesha keq.”.

Nëna e pa dhe i tha: “E di. Në fakt ai është thjesht një fëmijë. Fëmijët nuk e kuptojnë gjithmonë kur i ndihmon.”. Ajo i buzëqeshi Tinës dhe shtoi: “Ti më ndihmove shumë sot duke u kujdesur për Adin, por tani atij i ka ardhur ora për të fjetur. Si thua sikur të shkosh dhe të luash pak me Kejsin?”. Tina u përgjigj: “Kejsi është zemëruar me mua. Në fakt ishte zemëruar me mamin e saj sepse i kishte kërkuar të fikte televizorin dhe të mos e shikonte emisionin që ata shikonin si familje para se të bëheshin të krishterë.

 Kur unë i thashë se mami i saj kishte të drejtë dhe që as mua nuk më lejohej ta shihja emisionin sepse nuk ishte i mirë, Kejsi u zemërua.”.

Butësisht nëna i tha: “Sa keq. Përpiqu të kuptosh që ajo nuk ka shumë kohë që është shpëtuar, dhe duhet të kesh durim me të. Ajo është një foshnjë në besim.”.

Por Tina e pyeti: “Domethënë, ndonjëherë ajo do të mërzitet ashtu si u mërzit Adi kur i largova copëzën e thyer të xhamit?”.

Nëna u përgjigj: “Kur dikush përpiqet t’i ndihmojë të krishterët e rinj dhe t’i ruajë nga gjërat e rrezikshme, ata mund të kundërshtojnë dhe të zemërohen sepse nuk mund të jetojnë ashtu siç duan. Ata mund ta kundërshtojnë drejtimin nga të krishterët e rritur.”. Nëna tundi kokën dhe vazhdoi: “Ka edhe nga ata që kanë kohë që janë bërë të krishterë, por që nuk iu pëlqen ta pranojnë ndihmën.”.

Kur Tina mendoi për këtë, ajo e dinte që nuk i pëlqente gjithmonë këshilla e prindërve ose e të rriturve të tjerë. Ajo tha me vete: “Shpresoj që të mos sillem shpesh kështu! Do të përpiqem të jem më e durueshme me Kejsin dhe do të përpiqem t’i dëgjoj të krishterët e tjerë kur të më thonë diçka.”.

Po ti e pranon këshillën dhe ndihmën që të ofrojnë prindërit? Pastori? Mësuesi i shkollës të së dielës? Gjyshërit apo të krishterët e tjerë të rritur në besim? Ata kanë më shumë eksperiencë në jetë dhe e njohin më mirë rrezikun dhe dredhitë e Satanit. Ji i hapur ndaj drejtimit të tyre.

Pranoje këshillën nga një besimtar i rritur!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI