Tërmet me epiqendër në Durrës

Një tjetër tërmet i fuqishëm ka goditur vendin. Lëkundjet ishin shumë të forta. Epiqendra ishte 10km nga Durrësi ku ka edhe dëmtime të shumta. Tërmeti ka shkaktuar panik tek qytetarët të cilët kanë dalë në rrugë. Durrësi ka qenë më i dëmtuari nga tërmeti i rënë në orën 03:55 ku një pallat është shembur. Për godina të shembura raportohet edhe në Kavajë dhe Thumanë.

Ndërkohë spitali i Traumës në Tiranë është i mbipopulluar pas tërmetit. Mësohet se ka arritur edhe një autoambulancë nga Kruja. Po ashtu raportohet se 6 persona janë paraqitur me plagë edhe në spitalin e Lezhës.

Sa i përket viktimave një fëmijë është nxjerrë i gjallë nga rrënojat e pallatit në Thumanë. Fëmija mësohet se është në gjendje të qëndrueshme, ndërkohë që jo zyrtarisht raportohet se një prej familjarëve të tij ka ndërruar jetë. Po ashtu një tjetër trup i pajetë është nxjerrë nga rrënojat e pallatit të rrëzuar në Thumanë. Bëhet fjalë për trupin e një gruaje, identiteti i së cilës nuk bëhet ende i ditur. Kjo është viktima e dytë që regjistrohet në të njëjtin pallat të shembur në Thumanë. Dy viktimat e tjera janë në Durrës dhe Kurbin.

Radio 7 ka kontaktuar Presidentin e Vëllazërisë Ungjillore, Ylli Doçi i cili ka raportuar se VUSH do të jetë sot në Thumanë për të parë situatën dhe për të mobilizuar kishën për situatën e rënduar në Thumanë.
Në të gjithë vendin, në Tiranë, Durrës dhe Krujë, sipas të dhënave paraprake 150 qytetarë po marrin shërbim në spitale. Ekipet mjekësore aktualisht është në gjendje gatishmërie të plotë si në Tiranë, Durrës dhe gjithë Shqipërinë.

Instituti i Gjeoshkencave, Energjisë, Ujit dhe Mjedisit nëpërmjet një deklaratë është shprehur se goditjet kryesore kanë kaluar, por duhet të qëndrojmë jashtë pasi pasgoditjet mund të shkaktojnë dëme.

Në të njëjtën kohë Ministra e Arsimit ka njoftuar se mësimi ditën e sotme nuk do të zhvillohet në të gjithë vendin. Fillimisht ishte lajmëruar që nuk do të bëhej mësim në Durrës dhe Tiranë, por në njoftimin e dytë bëhet me dije se nuk do të ketë mësim në të gjithë vendin.

Le të jemi në lutje dhe të kërkojmë mëshirën e Perëndisë për situata të tilla. Pavarësisht gjithçkaje, Perëndia është shkëmbi ynë.

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0