Rizgjim në “Asbury”

Prej më shume se dy javësh, njerëz nga mbarë bota i janë drejtuar Kampusit Universitar “Asbury” në Wilmore, për të marrë pjesë në një rizgjimeve historike. Një shërbesë e rregullt filloi në 8 shkurt 2023, për të vijuar në një rizgjim, duke sjellë me dhjetra mijëra njerëz në qytetin e vogël të Kentakit.
Mark Vaught nga Cincinnati në shtetin e Ohio-s tregon për këtë takim: “Kur u shpëtova mora Frymën e Shenjtë, por isha gjithmonë duke kërkuar për më shumë dhe më të vërtetë duke shpresuar, të rrjedh prej meje”.
Presidentja e trupës studentore, 21 vjeçarja Allison Perfater ishte atje kur ndodhi rizgjimi: “Thjesht ti nuk kishe dëshirë të largoheshe. Nuk është se dikush ishte duke thënë “oh le të shikojmë se sa do të zgjasë,” thjesht nuk donim të largoheshim. Unë hyra brenda, kisha shumë probleme me zemërimin dhe me të vërtetë kam pasur sfida. Dhe për herë të parë isha në gjendje të flisja me Perëndinë. Dhe kjo nuk do të kishte ndodhur kurrë në kohën time personale”
“Daniel Moel, 24 vjeç student në Asbury na tregon:“Kanë qenë më të vërtetë vite shumë të vështira dhe jo vetëm për mua, por për shumë nga miqtë e mi, dhe thjesht e ndjeva sikur Perëndia po më çlironte nga shumë hidhërime dhe zemërim që i kisha të mbledhura për shumë çështje. Dhe disa prej tyre ishin edhe ndaj Perëndisë. Dhe kështu personalisht do të thoja se fjala më e mirë që do të mund ta përshkruaja ishte një perjetesë shumë, por shumë shëruese për mua.”
Jef Gossman, drejtori i Shërbesës në Kampusim Universitar në Regent University udhëtoi 10 orë nga Virxhinia pasi dëgjoi se çfarë është duke bërë këtu Perëndia. “Tani gjithsecili tek Regent, përfshirë edhe të gjithë zv.presidentët ekzekutivë, janë duke bërë thirrje për rizgjim-janë duke kaluar më shumë kohë në lutje. Ata janë duke kërkuar praninë e Perëndisë në kampus. Kështu që ne jemi kaq shumë falënderues që na dërguan ne këtu për të marrë ata që mundet dhe t`ua japim edhe atyre”-tha Gossmann.
Gjithçka pritet të përfundojë javën e ardhshme. Takimi i fundit publik është planifikuar për ditën e dielë dt 25 shkurt 2023, në orën 07.30 të pasdites me orën lokale. Lajmërimi është dhënë nga presidenti i Asbury Kevin Brown përmes një njoftimi në Facebook. Lajmërimi vjen disa ditë pasi policia dhe publiku kanë shprehur shqetësim mbi një fluks të mundshëm vizitorësh që i janë drejtuar qytetit. Rizgjime të ngjashme në këtë Universitet kanë ndodhur edhe në vitin 1905, 1950 dhe 1958. Ndërsa në vitin 1978 një shërbesa mëngjesi zgjati për rreth 185 orë pas një rizgjimi frymëror.

Për më shumë dëgjoni audion e mëposhtme:

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0