Çdo dhunti e mirë dhe çdo dhuratë e përsosur (falas, e madhe, e plotë) është nga lart dhe zbret nga Ati (që jep dritë) i dritave, pranë (të ndritshmit) të cilit nuk ka ndërrim (ulje apo ngritje) dhe as hije (si në eklips) ndryshimi. – Jakobi 1:17

Kur përjetojmë tragjedi të tmerrshme, përgjigjja e zakonshme është të inatosemi me Perëndinë. Njerëzit pyesin, “Nëse Perëndia është i mirë, i plotfuqishëm, dhe gjithë dashuri për ne, përse nuk i ndalon Ai gjërat që shkaktojnë dhimbje?” Megjithatë, ne e dime se sipas Fjalës së Perëndisë, e vërteta nuk është në Satanin, ai është gënjeshtar dhe ati i gënjeshtrave.

Lexoni Jakobi 1:17. Gjithçka e mirë vjen prej Perëndisë. Perëndia është i mirë dhe Ai nuk mund të jetë asgjë tjetër. Për më tepër, Ai nuk ndryshon. Ai është përsosmërisht i qëndrueshëm, besnik dhe i vazhdueshëm. Ai është i mirë, gjithmonë.

Është e qartë që Perëndia nuk i ndalon gjithmonë tragjeditë, dhe ne nuk e dimë gjithmonë përse gjërat e këqija ndodhin. E para e Korintasve 13:12 thotë: “…tani shoh pjesërisht (jo në mënyrë të përsosur)…” Duhet të mbajmë mend që besimi gjithmonë na kërkon të pranojmë pyetje pa përgjigje dhe duhet të arrijmë të jemi të kënaqur të njohim të Vetmin që di gjithçka dhe të vendosim besimin tonë tek Ai.

Lutje

Perëndi, unë ndoshta nuk do të kuptoj gjithmonë përse gjëra të këqija ndodhin, por unë e di që Ti je i mirë. Kur nuk e kuptoj përse, unë do të gjej ngushëllim në Ty.