Paralajmërimet e mbretit Solomon

Mendo për një moment për dikë që jeton në një shtëpi normale dhe që zgjohet herët në mëngjes për t’u përleshur me gjithkënd për t’u futur në dush, në mënyrë që të shkojë në kohë në punë. Ai punon fort të gjithë ditën dhe përballet me shumë trafik gjatë kohës që kthehet në shtëpi, e më në fund mund të ulet të hajë diçka dhe të shohë televizor. Ai vendos alarmin e tij për të nesërmen dhe shkon sërish në shtrat, kështu nis të përsëritet i njëjti proces. A ju tingëllon familjare kjo mënyrë jetese?

Në Dhiatën e Vjetër, në librin e Predikuesit, Mbreti Solomon thotë se nuk ka asgjë të re nën diell. Ka monotoni, shkruan ai, e ka mërzi në jetën tonë. Por një jetë e jetuar me Zotin, në shoqëri me Të, nën autoritetin e Tij, është një jetë plot me gëzim dhe përmbushje. Të gjithë njerëzit mund të jetojnë një jetë boshe, plot mërzi, një jetë që nuk ka asnjë kuptim sepse Zoti nuk është aty,ose në vend të kësaj ata mund të përjetojnë një jetë të mbushur me gëzim, ekzaltim dhe kënaqësi kur ata jetojnë me Të.

Përmes librit Predikuesi, Solomoni na paralajmëron neve duke na thënë, “ Të lutem, mos shko atje ku unë shkova. Të lutem, ji në dijeni të pasojave që sjell të jetuarit në mënyrë të gabuar. Mëso nga dështimet e mia, e mos bëj të njëjtat gabime që unë kam bërë. Jeto në miqësi me Perëndinë. Jeto nën autoritetin e Zotit.” Ai thotë se nuk ja vlen të ndjekim pas tundimet me të cilat do të përballemi në jetë, sepse ato sjellin shumë më shumë telashe dhe ne do të biem pre e tyre.

A është bërë jeta jote monotone dhe e fokusuar pas qëllimeve tokësore, apo je duke përjetuar gëzimin dhe plotësinë e ecjes tënde të përditshme me Jezusin? Mos e humb aventurën e mrekullueshme të besimit që Zoti ka për ty.

Lutje: Zot, jam i lodhur duke jetuar një jetë të mërzitshme dhe monotone. Unë dua të përjetoj gëzimin dhe kënaqësinë që vijnë nga një jetë e jetuar bashkë me Ty. Unë lutem në emër të Jezusit. Amen

Ti do të më tregosh shtegun e jetës; ka shumë gëzim në praninë tënde; në të djathtën tënde ka kënaqësi në përjetësi. (Psalmi 16:11).

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0