Njeri i ri dhe zakone të reja

Lexo: Kolosianëve 3:8-14

“Gjyshe! Gjysh!” thërritën Xheni dhe Tedi ndërkohë që po vraponin jashtë për të takuar gjyshërit e tyre që sapo kishin ndaluar pranë shtëpisë.

Gjyshja iu dha të dyve nga një përqafim të fortë. “Na mori malli për ju gjatë kohës që ishit me pushime!” tha ajo. “Ju pëlqeu udhëtimi?”

“Na pëlqeu, por ejani brenda që të shikoni se çfarë kemi sjellë në shtëpi,” tha Tedi. Ai dhe Xheni i drejtuan gjyshërit në dhomën e ndenjes. “Shikoni!” tha Tedi duke treguar me gisht një vazo qelqi të mbushur me lule të çelura.

“Sa lule të bukura!” tha gjyshi. “Shumë të bukura.”

“Shiko prapë, gjysh” tha Xheni. “Shiko këtu.” Ai tregoi me gisht një degëz të vogël që qëndronte në fund të vazos.

Gjyshi pa atje ku Xheni i tha. “Oh, tani e shoh,” tha gjyshi. “Është një kameleon, apo jo?”

“Thuajse duket si një gjethe e vogël,” tha gjyshi i mahnitur. Xheni qeshi. “Mësuesja ime e shkollës të së dielës thotë se Perëndia i ka krijuar ata me një lëkurë që ndryshon ngjyrë me qëllim që të mund të përshtaten me mjedisin që i rrethon.”

“E di çfarë kemi mësuar tjetër për ta?” pyeti Tedi. “Libri im shkencor thotë se lëkura nuk zhvillohet si trupat e tyre. Kur trupi zhvillohet më shumë se lëkura, ata fillojnë ta heqin lëkurën. Shpëtojnë nga lëkura e vjetër dhe shumë shpejt fitojnë një lëkurë krejtësisht të re.”

“Është pak a shumë e njëjta gjë me atë që duhet të bëjmë edhe ne, apo jo?” tha gjyshi duke vrojtuar. Xheni dhe Tedi panë të habitur. “Si mund ta bëjmë ne këtë, gjysh?” pyeti Tedi.

Gjyshi qeshi. “Besoj se po mendoja me zë,” tha ai. “Kameleoni e heq lëkurën e tij, kështu dhe ne duhet të heqim ato që janë mëkat. Bibla na jep një listë të plotë të gjërave që kemi nevojë t’i heqim. Kameleoni vesh një lëkurë të re, kështu dhe ne duhet të veshim një të re me cilësi të perëndishme. Bibla thotë se ne duhet ‘të zhveshim njeriun e vjetër’ dhe ‘të veshim njeriun e ri.’”

“Këtë e kemi mësuar edhe në shkollë,” tha Tedi, “në shkollën e së dielës.” “Sa mirë për ju!” pohoi gjyshi. “Tani… gjyshi juaj ka uri. Çfarë do të hamë për drekë?” Ata u nisën drejt kuzhinës duke qeshur.

A po i heq zakonet e vjetra që janë mëkat… gjëra si ankesat, të ashtuquajturat “gënjeshtra të bardha” dhe largimet nga shtëpia për të për të mos bërë punë? A po vesh cilësitë që e kënaqin Perëndinë… gjëra si mirësinë, gëzimin dhe veçanërisht dashurinë për Perëndinë dhe të tjerët? Lexoje sërish pasazhin e sotëm nga Shkrimi. Kërkoji Perëndisë që të të ndihmojë të zhveshësh gjërat e listuara në të që nuk e kënaqin Atë dhe të veshësh ato që janë të pëlqyeshme në sytë e Tij.

 

Hiq zakonet e vjetra dhe të keqija !

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI