Një dimër plot dashuri

Dimri është koha kur ne jemi më së fundi në gjendje të ngadalësojmë , ti japim vetes një pushim, dhe ta ripërtërijmë frymën tonë. Asnjë dimër nuk është aq i ftohtë nëse ke dashurinë. Janë pikërisht ato momente të vogla, që ne shpesh i konsiderojmë të papërfillshme, ato që në fakt do të jetojnë gjithmonë brenda nesh. Ndonjëherë lumturia është një mbrëmje e qetë në shtëpi, një fundjavë e këndshme pranë zjarrit që kërcet, apo tingujt e një muzike kaq të pëlqyer për ne. E meqenëse nisim të përmendim disa nga mënyrat se si mund të kalohet mirë në dimër, pikërisht këtu do të përqëndrohemi këto minuta. Do të ndajmë me ju disa nga gjërat që mund të bëni për të ushqyer mendjen dhe mirëqënien tuaj.

Sille natyrën në shtëpinë tënde

Duke qenë se do të kalosh shumë kohë brenda shtëpisë, është mirë që të jesh i rrethuar me bimësi. Sot ka një shumëllojshmëri lulesh nëpër dyqane, mund të pyesni fare mirë për ato që rriten brenda ambienteve të mbyllura, ku ndoshta nuk ka shumë dritë dielli. Kështu ju do të përfshini natyrën në ambientin ku jetoni.

Piknik pranë zjarrit

Në vend që të organizosh një piknik jashtë, hap një batanije përpara oxhakut dhe sigurohu që të ndezësh një zjarr bubulak, që të ngroh menjëherë. Merrni pije të ngrohta me mollë dhe kanellë dhe të tjera gjëra që ju pëlqejnë ti konsumoni, mund ti vendosni ato në një shportë dhe ti ndani me njerëzit e zemrës që keni pranë.

Shkruaj ato çfarë dëshiron

Për një, ose dy ditë mendo pak për të qetësuar pak veten tënde, nga e gjithë rrëmuja dhe ritmi. Mund të ndezësh një zjarr, të luash ca muzikë të mrekullueshme në sfond dhe të shkruash gjërat për të cilat ëndërron. Merr pak kohë për të menduar se cilat janë ato gjëra që dëshiron të bësh më shumë. Pas kësaj krijo hapat që do të çojnë në plotësimin e këtyre gjërave.

Librat

Dimri është koha e përkryer për të lexuar të gjithë librat që keni lënë pas dore për shkak të ditëve tuaja të zëna. Mund të mbani një pirg të librave që ndoshta keni kohë që dëshironi të lexoni, në tryezën tuaj, në mënyrën që të mund të zhyteni në lexim, këto mbrëmje të ftohta të dimrit.

Recetat e dimrit

Kaloje dimrin duke provuar receta të reja për të njëjtin produkt ushqimor. Nëse të pëlqejnë recetat pikante, provo disa kombinime deri sa të arrish më të mirin. Produkte të tjera që mund të shoqërojnë fare mirë një mbrëmje dimri, janë çokollatë e shkrirë, salepi, çaji dhe vera e ngrohtë, pra receta e verës e shoqëruar me lëkurë agrumesh dhe erëza si karafili e kanella.

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0