Në Ditën Ndërkombëtare të Librit nuk mund të mos përmendnim Librin e Librave: Biblën. Deri më sot mbetet libri më i shitur në të gjithë botën i të gjitha kohërave me një shifër rekord që shkon në 5 miliardë kopje.

Ja disa fakte interesante që vlen ti përmendim:

Çdo vit shiten më shumë se 100 milionë kopje të Biblës.

Bibla është shkruar në tre gjuhë, hebraisht, greqisht dhe në gjuhën aramaike.

Shumica e Dhjatës së Vjetër është shkruar në hebraisht, që ishte gjuha e lexuesve të saj të parë. Disa pjesë si Esdra dhe Danieli u shkruan në gjuhën aramaike. Ndërsa Dhjata e Re u shkrua në gjuhën greke, gjuha më e përdorur e asaj periudhe kohore.

Bibla përmban 611,000 fjalë.

Por me siguri ky nuk është numri I sakte i fjalëve në Biblën tuaj. Kur Bibla përkthehet në një gjuhë tjetër, përkthyesit përpiqen të përdorin më shumë fjalë për të dhënë kuptimin e pasazhit.

Bibla është shkruar nga më shumë se 40 autorë të ndryshëm.

Autorët e librave të Biblës më së shumti janë disa nga heronjtë e besimit judaik dhe atij të krishterë. Moisiu njihet si autori i pesë librave të parë të Biblës, ndërsa pjesa tjetër i atribuohet profetëve, emrat e të cilëve janë mbi çdo libër të shkruar prej tyre.

Në Bibël ka të paktën 185 këngë.

Rreth 150 prej tyre janë në librin e Psalmeve. Por përgjatë Dhjatës së Vjetër dhe Dhjatës së Re, njerëzit këndojnë këngë për Perëndinë ose ngjarjet në jetën e tyre. Madje 185 është vetëm një minimum duke qenë se ka shumë pjesë të shkrimit që mund të specifikohen si këngë, apo psalme.

Bibla e plotë është përkthyer në rreth 532 gjuhë.

Ndërsa pjesërisht ajo është përkthyer në 2883 gjuhë të ndryshme të botës.

Bibla më e madhe në botë peshon përafërsisht 500 kg.

Kjo Bibël është ndërtuar nga Louis Waynai në vitin 1930 I përmasave 110 cm i gjatë dhe 250 cm i trashë.

Këto ishin shtatë fakte rreth Biblës, komentoni më poshtë për ato fakte që ju i dini dhe që vlejnë të përmenden.