Ashtu le të shndritë drita juaj para njerëzve, që të shohin veprat tuaja të mira dhe ta lëvdojnë Atin tuaj që është në qiej. – Mateu 5:16

Filozofi dhe oratori i famshëm Edmund Bruk tha: “Ajo që është e nevojshme për triumfin e të ligut është që njerëzit e mirë të mos bëjnë asgjë.” Është e vërtetë. Të mos bëjmë asgjë është e thjeshtë, por edhe e rrezikshme. Kur nuk kundërshtohet, i ligu do të shumëfishohet.

Të gjithë biem në kurthin e ankesës për gjërat që nuk shkojnë mirë. Por të ankohemi nuk bën asgjë tjetër përveç se na shkurajon edhe më shumë. Nuk ndryshon asgjë sepse nuk ka fuqi pozitive aty.

Imagjinoni sa rrëmujë do të ishte bota sikur Perëndia vetëm të ankohej për gjithçka që ka shkuar keq që nga koha që Ai e krijoi. Por Ati nuk ankohet. Ai vazhdon të bëjë mirë dhe të punojë për drejtësinë. I ligu është i fuqishëm, por e mira është akoma më e fuqishme.

Duhet të kuptojmë që Perëndia ka zgjedhur të punojë përmes fëmijëve të Tij në tokë, ju dhe unë. Drita e Tij është brenda nesh dhe nuk mund të rrimë pa bërë asgjë. Duhet ta lejojmë dritën të shkëlqejë, pavarësisht të gjithave, ne e jetojmë jetën duke bërë mirë në emrin e Tij.

Lutje

Zot, është e thjeshtë të mos bëj asgjë, por është më mirë të lejoj dritën Tënde të shkëlqejë. Më ndihmo të kundërshtoj të ligun dhe të veproj sipas mirësisë Tënde në çdo rast që më vjen.