Këpucët e Krishtlindjes
“Këpucët e Krishtlindjes” është një fushatë nga “Media 7” dhe “Celësi Im” për të ndihmuar fëmijët në nevojë por ne kemi nevojë që edhe ju të bashkoheni me ne.
Mbase nuk e ke menduar ndonjëherë, por nëse ul kokën poshtë me siguri vëren këpucët! Një palë këpucë janë të rëndësishme sepse ato i japin një njeriu dinjitet. E megjithatë shumë fëmijë në Shqipëri nuk kanë mundësinë të gëzojnë një palë këpucë të reja e të ngrohta!
Dhuruesit bujarë dhe fëmijët që u gëzuan Dhjetorin e 2018-tës me Këpucët e Krishtlindjes, janë ende në mendjen tonë! 600 palë këpucë të reja ngrohën këmbët e vogla dimrin e kaluar, dhe ne presim që këtë vit të bëjmë akoma më shumë fëmijë të lumtur e këmbë të ngrohta!
Duket se nëse ekziston dëshira e mirë dhe besimi se gjëra të mëdha mund të ndodhin, mrekullitë nisin të na shpalosen përpara syve.
Disa fëmijë na dhuruan edhe kartolina për dhuratën që morën. Ne duam të lexojmë më shumë kartolina këtë vit ndaj po punojmë e po kërkojmë që të bashkohet kushdo.
Nëse kontibuon edhe ti, do të dëgjojmë një zë më shumë që thotë:
“Isha i zbathur dhe ju më mbathët”
Vitin a kaluar patëm mundësinë që tregojmë më shumë për Këpucët e Krishtlindjes në Vizionin e Pasdites.
Po ashtu Wake Up në Top Channel na dha mundësinë për te promovuar Këpucët e Krishtlindjes!
Por përpara se të dhurosh ne kemi një tjetër kërkesë.
Vitin e kaluar një djalosh bleu një palë këpucë sepse dëshironte që një fëmijë tjetër t’i vishte ato. Përveç kësaj, ai vendosi të shkruante një kartolinë në të cilën tregonte mesazhin e ungjillit. Ai djalosh nuk e dinte që ato këpucë do të ngrohnin këmbët e një fëmije që do të jetonte për pak kohë, por gjithashtu nuk e dinte se me kartolinën e tij do të ofronte jetë të përjetshme përmes Krishtit.
Përfshihu dhe ti në këtë iniciativë sepse këpucët dhe kartolina jote janë një mundësi për ty, por një shpresë që jep jetë për dikë në nevojë.
Dhe mos harro t’i lutesh Krishtit për dhuratën tënde!
Fushata rikthehet sërish sepse duam të shohim më shumë buzëqeshje. A do të bëhesh edhe ti pjesë?
Informohu se çfarë ndodhi vitin e kaluar me “Këpucët e Krishtlindjes”:
Zgjojmë së bashku lumturinë! Dhuro edhe ti!
How can I donate for this project?
Jam nga jashte Vendit. Si mund te dhuroj leket per Projektin?