Shumë fuqi ka lutja e të drejtit kur bëhet me gjithë shpirt.– Jakobi 5 : 16

Kur Çarls Kolsoni donte të fillonte një shërbesë burgu, shkoi tek Drejtori i Byrosë së Burgjeve të SHBA, për të kërkuar leje që të shkonte nëpër burgje dhe të bënte studime biblike me burrat. Kreu i burgut nuk ishte dakord, por i tha se do ta merrte në konsideratë.

Megjithatë, më vonë, ndodhi që drejtori të merrte pjesë në një shërbesë kishëze në një ndër burgjet e Kalifornisë dhe u ul në pjesën e pasme ku ishte errësirë. Një nga burrat ngriti zërin në lutje – për kriminelët e ngurtësuar për të cilët ka pak shpresë në jetë, por ai shihte tek këta njerëz diçka që ai e dinte se duhej të ishte vepra e Perëndisë.

Papritur, një i burgosur u ngrit në këmbë dhe filloi të lutej për të. I burgosuri nuk e kishte idenë që Drejtori ishte në dhomë. Por kur Drejtori i burgjeve dëgjoi t’i përmendej emri, u emocionua. Pikërisht ajo lutje hapi dyert e burgjeve federale për Çarls Kolsonin që të fillonte Shërbesën Shoqëria e të Burgosurve, duke ndryshuar jetët e  shumë të burgosurve me dashurinë e Zotit.

Mos u ndjeni fajtorë kur mendoni se nuk mund të bëni shumë, sepse gjithçka që mund të bëni është të luteni. Kjo është sikur të thuash lutja nuk është aq e rëndësishme sa të kesh para, ndikim ose aftësi. Lutja është e kushtueshme. Do të thotë se jemi të gatshëm të lëmë mënjanë krenarinë dhe të pranojmë Perëndinë si burimin tonë, në vend të forcës, inteligjencës apo përpjekjes sonë. Gjithashtu, mos hezitoni të luteni për gjëra që janë përtej asaj që ne mund të bëjmë apo imagjinojmë. Sepse është e vërtetë që ne nuk mundemi, por Zoti po. Le të lutemi!