Switchfoot kanë arritur një sukses të tillë që vëllezërit Jon dhe Tim Foreman dhe shoku i tyre në shkollën e mesme Chad Butler nuk mund ta parashikonin kur krijuan grupin në San Diego në vitin 1996. Grupi ka shitur rreth 5.7 milionë kopje albumesh nga nëntë albumet e tyre të realizuara në studio. Ata kanë krijuar disa nga hitet më të bukura të muzikës alternative, kanë performuar në koncerte ku biletat janë shitur krejtësisht. Kanë ngritur mbi 1 milionë dollar për të ndihmuar fëmijët e komunitetit të tyre përmes fondacionit Bro-Am, dhe kanë fansa në të gjithë botën që inkurajohen përmes stilit të tyre të veçantë alternativë rrok.
Switchfoot i kanë fillimet në plazhet e San Diegos kur vëllezërit Foreman dhe Butler që njiheshin si të apasionuar pas sërfit. Dhe pse konkurronim në kampionatet e sërfit, lidhja e tyre e vërtetë ishte dashuria për muzikën. Ata vendosën të formonin një grupin me emrin Switchfoot (një term në sërf), çka bëri që të kalonin orë me radhë në garazhin e tyre dhe të niseshin në turne. Në të 20- etat, Switchfoot kishin publikuar 3 albume, The Legend of Chin (1997), New Way To Be Human (1999), dhe albumin e vlerësuar me statusin e artë Learning to Breathe (2000). Suksesi më i madh i fillimeve të tyre të ishte albumi i katërt, The Beautiful Letdown, album që shiti më shumë se një milionë kopje.

Duke synuar që të kishin liri në krijimtari, Switchfoot financuan ndërtimin e studios së tyre kur regjistruan albumin e shtatë, Hello Hurricane, dhe albumin pasues Vice Verses.