Dhe besimi është siguria (konfirmimi) e gjërave që shpresohen (nga ne), bindja e gjërave që nuk shihen (besimi i marrë si fakt real për atë që nuk duket nga shqisat). – Hebrenjve 11:1

Kur mendoni për të ardhmen, a keni shpresë? Apo keni nje ndjesi frike?

Njerëzit që kanë parë besnikërinë e Perëndisë në të shkuarën janë të prirur drejt një të ardhme plot shpresë. Ata e dinë që një situatë e keqe mund të kthehet në një dëshmi të mrekullueshme shumë shpejt.

Nga ana tjetër, njerëzit që kanë humbur shpresën, e shikojnë jetën nga një prespektivë frike. Frika vjedh aftësinë për të shijuar një jetë të zakonshme dhe sjell ankth për të ardhmen.

Shpresa është e kundërta e frikës por e afërme e besimit. Besimi tek Perëndia, na drejton në shpresë dhe pikëpamja jonë për jetën dhe të ardhmen është pozitive.

Shpresa na lejon të lëmë në duart e Perëndisë gjithë pyetjet pa përgjigje; na fuqizon të qëndrojmë në paqe dhe na aftëson të besojmë më të mirën për ditët në vazhdim.

Mund të keni shpresë kur besoni në dashurinë e Perëndisë. Ai ka fuqinë të sigurojë për ju dhe t’ju drejtojë përmes çdo situate.

Lutje

Perëndi, unë zgjedh të kem besim në Ty, duke e ditur që do të më drejtojë në shpresë. Nuk kam përse të kem frikë, sepse Ti ke aftësinë të kujdesesh për mua, prandaj kam shpresë në Ty.