9 arsye përse të dëgjosh radion

Shumë njerëz thanë se radio nuk do të mbijetonte përkundrejt televizionit dhe internetit. Si për të hedhur poshtë të tilla pohime, ende pas shumë vitesh, radio zë një pjesë të konsiderueshme të jetës sonë- ajo është e gjallë dhe na motivon. Ja tek janë 9 arsye se përse radio është dhe do të jetë gjithmonë e mrekullueshme.

1. Një zë miqësor që të shoqëron dhe vret vetminë.

Kur dëgjon radion, ndjen se dikush është duke folur me ty.

2. Të rikthen entuziazmin kur mërzia po të vret.

Sa herë të mërzitesh, qetësohu dhe sintonizohu në Radio 7.

3. Muzikë e mrekullueshme që u përshtatet njerëzve me shije të ndryshme.

A të pëlqen muzika kontemporane apo ajo retro? Radio i ka të dyja, e madje edhe më shumë se kaq.

4. Kur mund të jesh duke kaluar në kohë të vështira, radio vepron si një mesazher përmes tingujve të zërit.

Pavarësisht nëse bie shi apo është stuhi, puna e folësve nuk ndalet, ata përpiqen të ndihmojnë sa më shumë njerëz që të jetë e mundur.

5. Koha kur jeni në timon, në mëngjes dhe në mbrëmje, bëhet shumë më e lumtur për shkak të radios.

Të gjithë ata që ngasin makinat e fillojnë ditën e tyre me radion.

6. Radio të jep ide mbi atë se çfarë të bësh dhe çfarë nuk është e këshillueshme për t’u bërë.

Folësit mund të japin informacion në lidhje me atë çfarë ndodh në qytetin tuaj, cilat janë gjërat që mund t’i bësh gjatë fundjavës, cilin film duhet të shohësh, në cilat vende është më bukur të shëtisësh, këshilla mbi marrëdhëniet, etj.

7. Radio jep informacion mbi trafikun dhe motin që do të shoqërojë ditën.

Kjo patjetër që e bën më të thjeshtë për ne që të vendosim se nga duhet të shkojmë.

8. Radio është “Teatri i Mendjes”- në të nuk mund të shohësh pamje, por mund të dëgjosh vetëm tingujt dhe të imagjinosh.

Radio ndihmon që të krijosh piktura të mrekullueshme brenda mendjes sate.

9. Ndjesia se edhe nëse nuk është askush rreth e rrotull teje, radio do të jetë gjithmonë aty për ty.

Faleminderit Marconi që shpike radion, e gjithashtu gjejmë rastin të falenderojmë të gjithë ata që kanë punuar në radio, me zërin e të cilëve jemi rritur, e na kanë dhënë të qeshura e reflektime përgjatë shumë viteve.

Prapa

Përpara

Ndani përshtypjet tuaja me ne

Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Share 0