Lajmi Fundit
prev next

KE: Vaksinat do të shpërndahen në mënyrë të drejtë

Presidentja e Komisionit Evropian, Ursula von der Leyen dhe presidenti i Këshillit Evropian, Charles Michel, zhvilluan një takim përmes video-konferencës pas Samitit të liderëve të BE-së. Duke theksuar se gjendja aktuale e pandemisë në Evropë është shumë serioze, Von der Leyen tha se numri i personave të shtruar në spital dhe viktimave po rritet ndjeshëm. Von der Leyen po ashtu foli mbi zhvillimet e fundit lidhur me vaksinën kundër COVID-19. Ajo tha se BE-ja tashmë ka nënshkruar kontrata blerjeje me tri kompani të ndryshme dhe se negociatat me katër kompani të tjera po vazhdojnë.”Vendet anëtare do të marrin vaksinat njëkohësisht, në të njëjtat kushte dhe sipas popullatës së tyre”, shtoi ajo. Nga ana tjetër, Mishel theksoi se vendet anëtare të BE-së u pajtuan për shpërndarje të drejtë të vaksinave.

 

Qeveria e Kosovës miratoi projektbuxhetin për vitin 2021

Qeveria e Kosovës miratoi projektbuxhetin për vitin 2021, në vlerë prej 2.4 miliardë eurosh, i cili do të ketë në fokus sektorin e shëndetësisë dhe rimëkëmbjen ekonomike. Projektbuxheti u prezantua nga ministrja e Financave, Hykmete Bajrami, në mbledhjen e qeverisë, të mbajur të premten në mëngjes. Ajo tha se projektbuxheti nuk ka arritur t’i adresojë të gjitha kërkesat e ministrive dhe organizatave buxhetore, për shkak të pandemisë së koronavirusit. Ajo po ashtu ministrja Bajrami tha se ekonomia e Kosovës, deri në fund të vitit, pritet të tkurret për rreth 6.7 për qind. Sipas parashikimeve të qeverisë, ndërkaq, ekonomia pritet të rritet për 5.2 për qind në vitin 2021.

Tërmet i fortë në Turqi, rrëzohen disa pallate

Turqia sot është tronditur nga një tërmet i fuqishëm me magnitudë 7 ballë. Fotot dhe pamjet që po qarkullojnë në mediat turke tregojnë për pasoja të rënda katastrofike. Njerëz të shtrirë në rrugë dhe ndërtesa të shembur. Kjo është panorama që ofronte sot qyteti i Izmirit. Lëkundjet ishin aq të fuqishme sa janë ndjerë deri në Athinë. Epiqëndra e tërmetit ishte në detin mesdhe.

KPK, deri në 6 nëntor seancat onlinë

Komisioni i Pavarur i Kualifikimit ka njoftuar se duke filluar nga sot të gjitha seanca dëgjimore me subjektet e rivlerësimit do të bëhen online. Në një njoftim për mediat KPK bën me dije se ky vendim është marrë për shkak të situatës së COVID-19.Zhvillimi i seancave online do të bëhet deri në datën 6 nëntor 2020, si një masë parandaluese për përhapjen e virusit. Ndërkohë Komisioni i Pavarur i Kualifikimit informon se denoncimet nga qytetarët do të pranohen përmes postës zyrtare elektronike dhe jo fizikisht në zyrat e këtij institucioni.

Posta Shqiptare thirrje për respektimin e protokollit të masave

Posta Shqiptare iu ka bërë thirrje të gjithë qytetarëve që marrin shërbime të respektojnë protokollin e masave duke evituar grumbullimet e panevojshme, të ruajnë distancimin fizik dhe të mbajnë maskat brenda dhe jashtë zyrave postare.Me anë të një postimi në Facebook, Posta Shqiptare gjithashtu iu ka bër thirrje pensionistëve dhe personave që kujdesen për ta, të aplikojnë sa më parë për shërbimin e marrjes së pensionit në banesë, si alternativa e duhur për mbrojtjen e tyre në këtë situatë të pazakontë pandemie.

Hashim Thaçi: Lamtumirë maestro!

Presidenti i Kosovës Hashim Thaçi ka shprehur ngushëllime pas vdekjes së artistit shqiptar, Avni Mulës. Vdekja e kompozitorit të shquar shqiptar, Artistit të Popullit, Avni Mula, është humbje madhe e kulturës kombëtare, familjes dhe miqve të tij. Brenda një periudhe të gjatë jetësore, Avni Mula kontribuoi në shumë fusha të artit muzikor, duke lënë pas një trashëgimi të pasur dhe elitare. Lamtumirë maestro, lamtumirë Nderi i Kombit! -shkruan Thaçi.

6 të vdekur nga uragani “Zeta” në SHBA

6 persona kanë humbur jetën deri më tani si pasojë e uraganit Zeta që ka goditur Shtetet e Bashkuara të Amerikës. Uragani ka goditur shtetet Louisiana, Georgia, Mississippi, Karolina e Veriut, pjesën juglindore të Virginia-s dhe Maryland. Zeta ka shkaktuar ndërprerjen e energjisë elektrikë për 2,6 milionë familje. Rënia e pemëve bllokoi korsitë e dy autostradave ndërshtetërore në Atlanta.

 

 

 Page 1 of 109  1  2  3  4  5 » ...  Last » 
X