Fjalët e urta, kapitulli 18, vargu 15, thotë: “Zemra e njeriut të matur fiton dituri, edhe veshi i të urtëve kërkon diturinë.” Më pëlqen fraza me të cilën fillon ky varg: “Zemra e njeriut të matur.”

A nuk e duam të gjithë këtë, një zemër të matur. Askush nuk e do një zemër të marrë. Ne duam një zemër të zgjuar. Ne dëshirojmë të kemi një zemër të matur.

Për të patur një zemër të matur, ne duhet të kuptojmë se na duhet më shumë dituri. “edhe veshi i të urtëve kërkon diturinë.” Ka një përulësi që shënjon një zemër të matur dhe kjo përulësi kupton këtë: “Ka shumë gjëra që unë nuk i di. Ka shumë zona në të cilat duhet të rritem në njohuri, në maturi dhe në urtësi. Kështu, unë do të kërkoj njohurinë. Unë do të kërkoj njohurinë.” Kjo është dicka e urtë.

Perëndi, ne lutemi që Ti të na mbrosh nga mendimi se i dimë të gjitha, në cdo situatë, ashtu sic kemi parë edhe në të tjera Fjalë të urta. Ne lutemi, Perëndi, të na ndihmosh të mos e mbajmë veten të ditur në sytë tanë, por të jemi të përulur para Teje, para të tjerëve, dhe të kuptojmë se kemi shumë për të mësuar nga cdo dhe në cdo rrethanë. ne kemi kaq shumë për të mësuar në jetë, kështu që na ndihmo të mësojmë, na ndihmo të kërkojmë më shumë njohuri, na ndihmo të rendim pas diturisë. Na mbro nga ajo krenari që thotë: “E kam zgjidhur vetë.” Mendoj se sa herë unë jam i prirur të mendoj se e kam zgjidhur vetë dicka dhe pastaj bëj dicka të marrë e më duhet të pendohem para Teje dhe para njerëzve të tjerë. Na mbro nga kjo lloj krenarie, Perëndi.

Na jep përulësinë për të kërkuar dituri. Dhe në procesin e kërkimit të kësaj diturie, ne lutemi që zemrat tona të bëhen më të zgjuara. Lutemi që të kemi një zemër të zgjuar dhe të urtë. Në emër të Jezusit ne lutemi, Amen.