T’u mësosh fëmijëve se ç’është respekti

Respekt do të thotë që të nderosh njerëzit e tjerë dhe t’i trajtosh ata me kujdes dhe me mirësjellje. Ai qëndron në besimin se njerëzit e tjerë vlejnë dhe kanë po aq dinjitet sa ke edhe ti,e të lëndosh të tjerët është diçka e gabuar. Fëmijët kanë nevojë të mësojnë se ndjenjat, qofshin këto edhe ndjenja të forta duhet të shprehen në një mënyrë të respektueshme.

1. Mbështeti ata

Edhe fëmijët e vegjël meritojnë respekt. Të respektosh fëmijën  do të thotë që mos ta ulësh moralisht e as të thuash gjëra negative për të, sepse nëse do t’i thuash, gjasat janë që ai të bëhet ashtu. Fëmijët të cilët rriten në familje që i mbështesin,  kanë më shumë gjasa që të zhvillojnë respekt për veten e tyre, e kjo i inkurajon ata që të besojnë në aftësitë e tyre, e të bëjnë zgjedhje të mira për veten .

2.Respekti mësohet

Fëmijët nuk kanë lindur me aftësinë për të qenë të respektueshëm. Ata e mësojnë respektin prej prindërve dhe personave të tjerë të rëndësishëm në jetën e tyre, nëpërmjet imitimit dhe mësimit direkt të asaj që shohin. Ti mund t’u mësosh se është e gabuar që të godasin apo të rrëmbejnë diçka, e se nuk lejohen ulërimat që ndërpresin babin e mamin teksa bisedojnë. Ata i mësojnë të tilla gjëra nga pak, teksa prindërit qëndrojnë të patundur mbi rregullat që vënë, por njëkohësisht nuk zemërohen. Thjesht thuaj “ Mos ulërit. Të lutem fol me zë të ulët”. Gjithashtu tregoju atyre mirësi dhe empati. Nga këto leksione të hershme, respekti për njerëzit e tjerë do të rritet.

3.Vendos rregulla dhe kufizime

Rregullat janë thelbësore për fëmijët që ata të kontrollojnë impulset e tyre.  Rregullat e familjes mund të përfshijnë: mos t’u flasësh prindërve në emër, mos të përdorësh fjalë të pahijshme, të dëgjosh atë çfarë të tjerët kanë për të të thënë, mos të përdorësh gjërat e vëllait apo motrës tënde pa i pyetur më parë, e të gjesh një mënyrë të sjellshme për t’u thënë të tjerëve se po bezdiseni nga diçka që ata po bëjnë. Sigurohuni që ata të përballen me pasojat kur thyejnë rregullat, ndryshe ato nuk do të kenë kuptim. Po ashtu, përgëzoni  fëmijën tuaj kur ai ndjek një rregull që ju keni vendosur.

4.Praktiko sjelljet e mira

Mirësjellja është njësoj si balsami që ndihmon gjërat që të zbuten më lehtë.  I mbani mend “fjalët magjike” të lutem dhe faleminderit? Mbase do të pëlqente t’i mësoje  fëmijës tënd edhe fjalët “ A mundem,” “ më falni” dhe “më vjen keq.” Këto fraza janë shprehitë e mirësisë , që ndihmojnë fëmijët të  ndërtojnë marrëdhënie dhe të ndërveprojnë me të tjerët. Sjellja e duhur në tavolinë, është gjithashtu një formë respekti ndaj të tjerëve.  Filloni t’u mësoni fëmijëve tuaj rregullat e tavolinës, por bëjeni këtë një eksperiencë argëtuese e mos u tregoni të zemëruar ndaj tyre.

Ndani përshtypjet tuaja me ne
Alma Elezi Anuloje përgjigjen

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI